A XXV edición da cita burelesa espérase con máis emoción que nunca, máis de vintecinco anos de traballo reflectidos en actos e procesións
Burela, 31 de marzo, 2023. A Semana Santa de Burela comezou o pasado xoves 23 de marzo con o pregón ofrecido polo Delegado de Liturxia do Bispado de Mondoñedo-Ferrol D. Cándido Jesús Otero López e a inauguración da exposición “Hay un lugar para ti” que se pode visitar na igrexa da parroquia ata o Domingo de Resurrección (9 de abril)
Venres (31 de marzo, Venres de Dores), as 18:30 levarase a cabo o Viacrucis ao redor da igrexa parroquial, a continuación oficiarase unha misa na honra dos cofrades defuntos, na cal tamén se celebrará o XXV aniversario agasallando cunha insignia a todos os cofrades.
Domingo (2 de abril Domingo de Ramos), as 11:30, sairá da Praza da Mariña a procesión da entrada triunfal de Xesús en Xerusalén, procesión vivinte na
cal se representa a entrada de Xesús en Xerusalén, á chegada da procesión ao atrio da igrexa, procedese á bendición dos ramos e a continuación oficiase a misa no interior da igrexa.
Mércores (5 de abril Mércores Santo), a continuación da misa as 19:45, terá lugar a peculiar procesión do Viacrucis. Esta procesión sae da igrexa da parroquia de Santa María e remata na igrexa do século XV da Vila do Medio, procesión cun percorrido de case dous quilómetros facendo un Viacrucis con paradas nas catorce cruces instaladas no traxecto representando as pertinentes estacións de camiño ao calvario. Na procesión acompañan aos pasos penitentes cargando cruces, ben sexa en ofrecemento ou por devoción. Esta procesión ten un gran encanto pois non é a “típica” procesión que estamos acostumados a ver, si non que a xente do pobo porta acompañando á Virxe da Soidade e ao Cristo, dende unha igrexa da parroquia a outra, sin o esplendor dunha procesión ao uso, pero co acompañamento da fermosa paisaxe e do solpor ao remate da mesma. Aconsellamos a todas aquelas persoas que podan achegarse, que non deixen pasar esta oportunidade, pois é unha procesión única.
Xoves (6 de abril, Xoves Santo) as 18:30 esta programada a celebración vivinte da Última Cea do señor e o lavatorio de pes, a continuación as 21:00 procesión da Oración na Horta das Oliveiras e Hora Santa.
Venres (7 de abril, Venres Santo) as 18:30 terá lugar a celebración da Paixón do Señor e a continuación as 22:00 a procesión dos Caladiños, con paradas moi emotivas e interpretacións musicais ao paso da procesión.
Sábado (8 de abril, Sábado Santo) as 18:30 terá lugar a procesión da Virxe da Esperanza e as 22:00 comezará a Vixilia Pascual coa bendición do Lume e da Auga.
Domingo (9 de abril, Domingo de Resurrección) as 11:00 será a procesión do Encontro, a cal este ano estrea novo itinerario máis céntrico no pobo,á chegada da procesión ao atrio da igrexa farase a tradicional solta de pombas a cargo dunha familia de catro xeracións, a continuación oficiarase misa e unha ofrenda floral.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
