Díceme nos medios a Alcaldesa María Loureiro, que teño amnesia electoral, por supostamente botarlle a culpa ao seu goberno do retraso na aprobación do Plan Xeral de Ordenación Municipal.
Confeso que é certo. Teño amnesia total, non me lembro de nada.
Nin sequera son capaz de lembrar que ela é a Concelleira de Urbanismo dende o ano 2007(16 anos nada menos).
Tampouco me lembro que o PSOE en 20 anos de goberno non foi quen de aprobar o Plan Xeral e que a culpa é toda da Xunta, e que Viveiro fixo todo ben sempre.
Non me lembro tampouco, de mediar entre ela e o portavoz do PP, Oscar Rodriguez, para chegar a un acordo para desbloquear o plan co trazado da variante, xa que non eran capaces nin de falar entre eles polo beneficio xeral de Viveiro. É triste, pero ambos están acomodados coa confrontación permanente co PP da Xunta, e quen perde sempre é o pobo de Viveiro.
Tampouco me lembro de que nos últimos 4 anos houbo 7 reunións para tratar o Plan Xeral. Tantas que case quedan reventados de tanto traballar para aprobalo.
E non me lembro, dos múltiples atrancos do PP na Xunta, que os segue habendo, con cada informe sectorial. Pero Ribadeo, Foz, Xove, Vicedo, Burela e máis concellos da Mariña, teñen o seu plan en vigor fai anos, e o goberno da Xunta é o mesmo para todos.
Esquecín por completo, que Por Viveiro somos 2 concelleiros, que sempre intentamos e intentaremos construir e chegar a acordos polo ben de Viveiro, con quen faga falta, sen medo, sen ataduras e sen miopía ideolóxica.
A amnesia non me deixa lembrar que o 28 de maio hai eleccións, é que nós apostamos por un cambio necesario, cunha forza local, porque cada vez somos máis as veciñas e veciños, fartos de que os dous grandes partidos deixaran a Viveiro nunha posición de decadencia total.
Teñan vostedes coidado, Psoe e Pp, coa amnesia electoral, non vaian espertar un luns, sen nada que gobernar, porque as veciñas e veciños non se lembraron de lles votar.
Bernardo Fraga, portavoz de Por Viveiro
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
