Viveiro, 9 de marzo, 2023. “María Loureiro leva 4 anos sendo incapaz de mellorar as gravacións dos plenos, ou é inoperancia ou é ocultació” denuncia Míriam Bermúdez. A concelleira do BNG afirma que “non queren mellorar as gravacións para que a xente non se alarme dos posicionamentos deste PSOE tan rancio. O que menos lles interesa é que a veciñanza se manteña informada dos asuntos que se tratan no pleno. É unha falta gravísima á democracia”.
É normal que non queiran que se lles vexa a falta de compromiso que teñen coa veciñanza, xunto coa falta de civismo, pois foron varias as ocasións nas que o BNG tivo que exixir “respecto e saber estar”. Mesmo pasou neste último pleno, onde se escoitaron ameazas do tipo “atente ás consecuencias” que lle propiciou María Loureiro a Míriam Bermúdez por exixir escoitar o pleno, “tan grave é que se lles escoite?” pregunta Míriam.
De cara o público todo son boas caras e promesas, máis á hora da verdade e nos plenos, o que ocorre é que o PSOE de Viveiro votou en contra de iniciativas tan demandadas como cando votaron:
-En contra dun Plan de accesibilidade.
-En contra dun Plan para a mellora das estradas municipais.
-En contra da modernización da páxina web do Concello.
-En contra de habilitar aseos públicos e abrir os existentes.
-En contra de subsanar os problemas do paseo fluvial do Landro.
-En contra de colocar paneis led informativos.
-En contra dun pago de impostos personalizado e con reducción.
-En contra de subvencións por concorrencia competitiva e bases transparentes.
-En contra de habilitar zonas para cans.
-En contra de fomentar o uso da bicicleta e comezar construir carrís-bici.
-En contra da sinalización de rutas de sendeirismo.
E un longo etcétera de propostas estudadas e ben presentadas polo BNG que foron rexeitadas polo goberno do PSOE.
Desde o BNG demandamos o que a veciñanza nos traslada e esta é unha das máis demandadas para poder saber a realidade do que ocorre na política municipal porque lles afecta directamente. Poder ver un pleno cunha calidade de imaxe e son entendible, é garantir acceso á información, é democracia.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
