As obras consistiron na mellora da iluminación, na instalación de canlóns para evacuación de augas pluviais e na instalación dunha billa de auga no exterior, entre outros traballos “dando resposta así ás demandas deste colectivo e contribuíndo a crear espazos confortables que favorezan o dinamismo municipal”
Cervo, 7 de marzo de 2023. O rexedor, Alfonso Villares, e a edil de Cultura, Dolores García Caramés, achegáronse ata o Burgo da Senra para supervisar os traballos de mellora executados no local social que está cedido á Sociedade Cultural e Recreativa O Raxal, que organiza diferentes actividades lúdico-culturais no espazo, que fora construído no ano 2010 con fondos municipais, no marco do Obradoiro de Emprego.
Villares puxo de manifesto que estes traballos van na liña que vimos marcando desde o Concello de Cervo “de favorecer o asociacionismo adecuando locais sociais para uso e desfrute dos diferentes colectivos do municipio, nunha aposta por poñer á súa disposición eses espazos públicos para que os enchan de vida coas diferentes actividades e eventos sociais que organizan ao longo do ano; e tamén das diferentes iniciativas municipais que se programan nas diferentes parroquias”.
Tal e como puntualizou o rexedor, os traballos realizados –cos que demos resposta ás demandas da asociación que xestiona o inmoble- “consistiron na mellora da iluminación, na instalación de canlóns para a evacuación das augas pluviais, na instalación dunha billa de auga no exterior e na mellora do pavimento”.
Con actuacións como esta -engadiu- contribuímos a crear espazos confortables que favorecen o dinamismo municipal, “porque o ideal é que estas edificacións públicas se enchan de vida da man dos diferentes colectivos do Concello e das iniciativas que promoven e que activan e involucran á veciñanza”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
