Lugo, 31 de marzo, 2023. O Partido Popular advirte que non entrará nas provocacións que o PSOE intenta impulsar para desviar á atención da nova que hoxe si é importante para Lugo: o visto bo da Xunta para a demolición das torres do Garañón, un asunto que foi un dos principais expedientes polos que Besteiro foi investigado.
O PP recorda que estes edificios de 9 plantas nas costas do parque son a herdanza que deixou José Ramón Gómez Besteiro para Lugo xa que foi el o que asinou a súa autorización.
Por moito que o PSOE intente confundir e desacreditar á candidata do PP á alcaldía de Lugo o que non poderán borrar os socialistas é o feito de que o novo delegado do Goberno pasará á historia de Lugo por ser o concelleiro de urbanismo do Garañón. Polas graves consecuencias desta mala xestión pagaremos todos os lucenses unha indemnización millonaria, ademAis dos custes do seu derrube.
A cidadanía está farta dos ataques gratuítos e exclusivamente políticos do PSOE que carecen de todo fundamento. En primeiro lugar, reiteramos unha vez máis que nin Elena Candia nin o Partido Popular denunciou nin se personou en ningunha das múltiples causas que deron lugar a varias imputacións do señor Besteiro. Quen inicia unha investigación a Besterio foron un fiscal e un xuíz, nunca Elena Candia.
En segundo lugar, Elena Candia no ano 2013 cumpriu coa obriga implícita a calquera cargo público, tal e como se recolle no artigo 262 da LECrim (Lei de Enxuizamento Criminal (1)), de poñer en coñecemento das autoridades que chegou de forma anónima ao Grupo Provincial do PP unha documentación que podería ser constitutiva de delito. Resulta sorprendente que haxa alguén dende o PSOE que suxira que se oculte unha información que a lei obriga a facilitar.
As informacións que aportan hoxe dende o PSOE non son ningunha novidade e deron lugar a uns feitos que xa se relataron en numerosas ocasións e que serían motivo da mesma actuación en caso de repetirse.
Artículo 262. Los que por razón de sus cargos, profesiones u oficios tuvieren noticia de algún delito público, estarán obligados a denunciarlo inmediatamente al Ministerio fiscal, al Tribunal competente, al Juez de instrucción y, en su defecto, al municipal o al funcionario de policía más próximo al sitio si se tratare de un delito flagrante.
Los que no cumpliesen esta obligación incurrirán en la multa señalada en el artículo 259, que se impondrá disciplinariamente.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
