A institución provincial acondicionou varios quilómetros da LU-P-0605 e a LU-P-0606, que parten as dúas da Nacional 634 e que conectan coa Casa de Otero e con Pedregás, respectivamente; e a LU-P-0607, que vai de Benquerencia ata a praia de Fontela
Lugo, 27 de marzo de 2023. O Presidente da Deputación de Lugo, José Tomé Roca, vén de supervisar o resultado dos traballos en tres estradas do concello de Barreiros nos que a institución provincial investiu 150.000€. Concretamente, as obras afectaron a varios quilómetros da LU-P-0605 e a LU-P-0606, que parten as dúas da Nacional 634 e que conectan coa Casa de Otero e con Pedregás, respectivamente; e a LU-P-0607, que vai de Benquerencia ata a praia de Fontela.
“Esta é unha mellora moi importante para Barreiros, pero tamén para toda a comarca, polo que supón para as comunicacións no norte da provincia. Temos que pensar que estas tres estradas, dúas delas provinciais e outra municipal, son moi transitadas durante todo o ano, pero con especial incidencia durante o verán, porque dan servizo á costa”, explicou José Tomé. Engadiu o mandatario provincial que con estas actuacións, a Deputación mellorou notablemente as condicións de seguridade e comodidade dos usuarios e usuarias.
Na LU-P-0605, as obras afectaron desde o inicio da vía ata o punto quilométrico 1,2; ao tramo que vai desde o punto quilométrico 0,473 ao 0,707 da LU-P-0606; e aos primeiros 2 quilómetros da LU-P-0607. Os traballos consistiron na apertura de cunetas, pavimentación e sinalización horizontal mediante marcas reflexivas brancas.
Esta obra enmárcase dentro das liñas de actuación prioritarias da Deputación. De feito, o investimento en estradas subiu un 30% no que vai de mandato, pasando dos 14,2M€ consignados no 2019 aos 18,3M€ deste ano, co obxectivo de conservar e mellorar a rede viaria provincial, a máis extensa de todo o Estado e tres veces maior ca da Xunta en Lugo.
2,5M€ para Barreiros
Desde o inicio do mandato, a Deputación de Lugo dedicou máis de 2,5M€ para dotar de máis e mellores servizos ós veciños e veciñas de Barreiros. Boa parte destes recursos económicos achegados pola institución provincial, máis de 1M€, foi destinada a dotar de novas infraestruturas ao concello. Mellorar as estradas provinciais, as políticas sociais e o fomento do emprego foron outras áreas cun peso específico importante.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
