Recorda que a Comunidade ten un potencial incalculable para ser un referente no proceso de cambio enerxético que definirá o futuro do continente
Xermade, 21 de marzo de 2023. O presidente da Xunta, Alfonso Rueda, anunciou hoxe unha lei para que os beneficios do aproveitamento dos recursos naturais galegos se reinvistan en Galicia. O titular do Goberno galego anunciouno nunha visita ás instalacións do Parque Eólico Experimental de Sotavento, na que tamén avanzou a futura creación dunha sociedade coa que Galicia asumirá un papel protagonista na transición enerxética.
O titular do Goberno galego, acompañado do vicepresidente primeiro e conselleiro de Economía, Industria e Innovación, Francisco Conde, recordou que Galicia ten un potencial incalculable para estar no centro da transición enerxética que vai vivir Europa, porque conta cos recursos, a situación xeográfica, a convicción e a estabilidade política necesaria para ser un referente do proceso de cambio enerxético que definirá o futuro do continente. Alfonso Rueda subliñou que a transición enerxética debe aglutinar ao conxunto da sociedade, tendo en conta que a riqueza dos recursos naturais de Galicia é patrimonio de todos os galegos.
Partindo desa filosofía, a Xunta vén de tomar unha decisión pioneira para garantir que a sociedade galega no seu conxunto asuma un papel protagonista na transición enerxética, coa previsión de aprobar no Consello da Xunta deste xoves o inicio da tramitación dunha lei que sentará o marco normativo para a creación dunha sociedade coa que asumirá esa participación directa, xunto con outros socios, e que permitirá velar para que o rendemento económico dos recursos naturais de Galicia se reinvista en Galicia.
O titular do Goberno galego explicou que se trataría dunha sociedade que seguiría o modelo do que se coñece como unha utility, unha compañía na que participaría a Xunta de Galicia xunto con outros actores públicos e privados “para promover novos proxectos en enerxías renovables cunha clara intencionalidade para que parte dos beneficios que se xeren teñan un impacto directo en toda Galicia, e especialmente nos lugares nos que se instalen”, indicou Rueda.
O mandatario galego recalcou que a Comunidade non pode perder a oportunidade que se lle presenta para ser líder na transición enerxética pero que tampouco pode deixar de velar polos seus recursos, como leva facendo xa desde hai anos co Fondo de Cooperación Ambiental, que permitiu investir máis de 100 millóns de euros en melloras nos concellos galegos a través do canon eólico.
Divulgación e concienciación
O titular do Goberno galego anunciou a creación desta lei nunha visita que realizou ao Parque Eólico Experimental de Sotavento, en Xermade (Lugo), un complexo que invitou a coñecer a todas as persoas que queiran informarse sobre as enerxías renovables e as súas vantaxes tanto para o medio ambiente como para mellorar a calidade de vida dos cidadáns. O centro foi inaugurado no ano 2001 e, desde esa data, 250.000 persoas visitaron este espazo de referencia na promoción das enerxías renovables e da eficiencia enerxética que leva a cabo un labor fundamental na divulgación e concienciación da sociedade galega.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
