O portavoz popular, e candidato á alcaldía, Javier Castiñeira, lembra que “no PXOM, a parcela está destinada a equipamentos sociais; pola súa parte, o edificio está catalogado, pola súa importancia arquitectónica”
Foz, 5 de abril de 2023. O PP de Foz continúa co seu proceso de escoita activa dos veciños, para coñecer as súas preocupacións e suxestións. O portavoz popular e candidato á alcaldía, Javier Castiñeira, explica que “rematada esta lexislatura e coa vista posta nos próximos catro anos, o PP está escoitando aos veciños, as súas preocupacións e inquedanzas, e moitos deles coinciden nunha que é de vital importancia para Foz, que é o do edificio do antigo Asilo e toda a súa parcela”. Considera que “tanto o Concello como os propietarios, é dicir, a Fundación Martínez Otero, deben liderar un diálogo aberto para buscar solucións e poñer en valor a edificación e a parcela, máis aínda sabendo que hai necesidades sociais e culturais e que, se se traballa de forma conxunta, calquera das dúas partes deben estar interesadas en que así sexa”.
Castiñeira considera que “as demais administración tamén deben colaborar”. Explica: “No PXOM, a parcela está destinada a equipamentos sociais; pola súa parte, o edificio está catalogado, pola súa importancia arquitectónica. Os intereses, do Concello, da Fundación e o dos veciños en xeral conflúen na conveniencia da posta en valor do edificio e da parcela, en relación a esas necesidades sociais e culturais que ten Foz”.
Os populares destacan que, nestes catro anos, o equipo de goberno (PSOE-BNG) nada fixo neste sentido. Castiñeira avisa: “Catro anos máis nesta situación e o edificio pode chegar a un deterioro moi grande; os veciños avogan por algún tipo de convenio entre o Concello e a Fundación, con participación das demais administracións, para dar cobertura a todas necesidades, como se fixo xa no seu momento, porque grazas á Fundación púidose facer unha residencia nova”.
No PP cren que “agora é necesario dotar a Foz de máis prazas residenciais, pero hai que ser máis ambicioso, porque a parcela é moi interesante para fines sociais e culturais en beneficio dos veciños de Foz, e tamén, claro, da Fundación, que é a propietaria e que se rexe por uns estatutos que é necesario cumprir.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
