Viveiro, 9 de abril, 2023. Celeiro Club do Mar e BNG reuníronse poñendo en común ideas e proxectos, así como falaron dos beneficios que terían as subvencións por concorrencia competitiva nas entidades deportivas locais. Demanda que sostivo Míriam Bermúdez no pleno municipal e que non saiu adiante polos votos en contra do cogoberno de Bernardo Fraga e María Loureiro.
Despois dun ano, o acordo para a instalación de vestiarios no campo de Celeiro para ir dotando este campo de instalacións para toda práctica deportiva, non vai poder producirse pola falta de compromiso da Xunta de Galiza, gobernarda polo PP, e sen ninguén en Viveiro do Partido Popular coa suficiente capacidade resolutiva nin co mínimo mando para que, simplemente, a Xunta cumpla coa sua propia palabra nun acordo que ía asinado a tres bandas: Xunta de Galicia, Concello de Viveiro e Área de Deportes da Deputación gobernada polo BNG.
Na reunión mantida co Celeiro Club do Mar o BNG propuxo iniciar os trámites para un acordo a dúas bandas sen contar coa Xunta de Galiza, pola falta de palabra do Partido Popular. A Área de Deportes da Deputación onde goberna o BNG e co fin de axilizar as obras, está disposto a sacalas adiante co orzamento consignando e cun novo acordo a dúas bandas, quedando á espera da aceptación por parte do Goberno Municipal para que por fín o Campo de Lavandeiras conte con vestiarios e o Celeiro Club do Mar, entre outros, poda entrenar nel.
O compromiso do BNG alí onde goberna é claro, tanto en Deportes na Deputación coas melloras no Campo de Tiro de San Roque, a sinalización da ruta Viveiro Bike Xtreme de máis de 65km, entre moitos. Como tamén nos concellos onde goberna o BNG, concellos como Ribadeo, Pontevedra, Carballo, Allariz, Tomiño, Moaña… Lugares que se nota que son gobernados doutra maneira, agradábeis para vivir e con oportunidades.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
