Demanda que logopedia e terapia ocupacional sexan incluídos na carteira pública de prestacións do Hospital da Mariña
Burela, 15 de abril de 2023. Dende CIG Saúde A Mariña, defenden a logopedia como ferramenta de atención á diversidade, pois encárgase da prevención, o estudo, o diagnostico e a rehabilitación das alteracións da comunicación, a linguaxe, a fala, a voz, a audición e das funcións orais asociadas (respiración, mastigación e deglutición), etc. estimulación que, nos primeiros anos de vida é fundamental, xa que é nese período cando o cerebro é máis permeable.
Dende a CIG-Saúde A Mariña denuncian que “que a prestación sanitaria está contratada cunha clínica privada de Burela con importantes listas de agarda”, e que “sen a correcta atención, moitos nenos e nenas non chegan a desenvolver o seu potencial ao máximo, problema que tamén afecta á poboación adulta após sufrir diversas patoloxías como ICTUS ou ACVs”.
“Na Mariña, explican, xa sufrimos as consecuencias de deixar en mans privadas prestacións sanitarias básicas, mais o SERGAS teima en cometer o mesmo erro en vez de apostar por unha logopedia cen por cen pública. Se outros hospitais públicos dispoñen de logopedia na súa carteira de servizos e prestacións cal é o motivo para discriminar aos mariñaos e mariñás? Somos cidadáns de segunda? Son estes os máis e mellores servizos prometidos coa ampliación do noso hospital?”, pregúntanse dende a CIG.
Por todo o anterior dende a central sindical demandan que logopedia sexa incluída na carteira de servizos e prestacións do Hospital da Mariña, que sexa cen por cen pública e que se dote dos recursos humanos, a lo menos dúas Logopedas, e recursos materiais.
TERAPIA OCUPACIONAL
CIG Saúde A Mariña reivindica tamén que os mariñaos e as mariñas teñan os mesmos dereitos sanitarios que os de Lugo, cun reparto xusto e equitativo dos recursos económicos, humanos e materiais que contemple a prestación de terapia ocupacional do mesmo xeito que no HULA, dotando ao Hospital da Mariña de 2 Terapeutas Ocupacionais como mínimo.
Os seus ámbitos de intervención están entre outros en:
-Educación sanitaria: Promoción da saúde, Prevención da saúde e Determinante de conduta.
-Sanitario: Atención especializada, atención en agudos, atención en unidades hospitalarias, atención en media estancia, atención en Hospital de Día atención ambulatoria, atención en unidades de desintoxicación e atención primaria.
A/o terapeuta ocupacional emprega a actividade de forma terapéutica para a prevención da enfermidade e/o a discapacidade, o mantemento da saúde e a rehabilitación da funcionalidade perdida nas áreas de autocoidado (vestido, hixiene, alimentación, etc), laboral, educativa, lúdica e de lecer, cando existe algún tipo de problemática de carácter físico, cognitivo e/o sensorial.
A/o terapeuta ocupacional avaliará tamén as condicións contextuais que puidesen afectar á participación da persoa nas súas actividades da vida diaria, tomando en consideración, por exemplo, as barreiras arquitectónicas, as condicións de accesibilidade, ou as variables de exclusión social, para adaptar ou modificar a contorna para conseguir a maior independencia posible.
Para exemplificar a falta deste persoal fixo referencia por exemplo a atención nos ICTUS, na rehabilitación, en saúde mental, na Atención Primaria, etcétera. “Debería contar cun equipo multidisciplinar e axeitado para a atención e asistencia”, dixo, “porque está demostrado que unha abordaxe terapéutica precoz dispensada por un equipo multidisciplinar é moito máis eficaz para que a/o doente alcance o máximo nivel de integración social e teña unha pronta recuperación”.
Dende está central sindical “levan esixindo á Dirección do Hospital da Mariña e tamén á Dirección da Área Sanitaria de Lugo-A Mariña-Monforte, a súa inclusión na carteira de servizos da sanidade da Mariña, obtendo sempre unha resposta negativa e incluso burlesca sobre a importancia destas profesionais na sanidade pública da Mariña”.
“Isto obriga aos usuarios e usuarias a pagar se dispoñen de recursos económicos a atención na sanidade privada”, sinalan. Ao mesmo tempo pregúntase “de que serven máis metros cadrados de ampliación sen máis prestacións sanitarias cunha dotación axeitada de medios humanos e materiais”.
PLAN INTEGRAL
O sindicato nacionalista reclama máis unha vez a posta en marcha dun Plan urxente e integral para abordar a creación destes servizos e evitar ter que acudir á sanidade privada.. “Un plan que contemple a utilización racional dos recursos do sistema público e abandone as actuais políticas privatizadoras e de destrución da sanidade pública na Mariña, e que dote de persoal (terapeutas ocupacionais e logopedas) e medios materiais ao Hospital da Mariña e os centros de saúde”.
“Deste modo obteriamos un dobre obxectivo: crear emprego de calidade na comarca e prestar un servizo de terapia ocupacional e logopedia 100% público e de calidade”, conclúen.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
