“Emprazamos ao Concello de Cervo a que inste á Consellería de Sanidade para que cubra a totalidade do cadro de persoal dos dous centros de saúde de Cervo”, dixo Luján Ramos
Cervo, 5 de abril de 2023. A candidata socialista á Alcaldía do PSdeG en Cervo, Luján Ramos, denunciou hoxe a precarización e os recortes sanitarios que padecen os veciños do municipio. Lembrou que no centro de saúde de San Cibrao “recortaron no ano 2013 un dos tres facultativos que lle corresponde e, a día de hoxe, aínda non o recuperou. Unha situación crítica que está afectando gravemente á veciñanza”.
“Non podemos consentir esta situación. Os veciños de Cervo non merecemos este trato e demandamos que remate esta práctica de parcheo. Por iso, emprazamos ao Concello de Cervo a que inste á Consellería de Sanidade para que cubra a totalidade do cadro de persoal dos dous centros de saúde”, incidiu.
Estas últimas semanas, no centro de saúde de Cervo “só hai un médico a media xornada, xa que falta a partir de mediodía, e as citas que están reprogramando son para 4 a 8 días despois ou, directamente, non se avisa ós doentes e encóntranse coa cita anulada e sen nova cita asignada. A todo isto hai que engadir que os facultativos que están prestando o servizo veñen dos PAC (Burela ou Viveiro) e non coñecen a situación dos doentes, sendo aínda máis dificultosa a diagnose dos usuarios”.
Luján Ramos explicou que o centro de saúde de San Cibrao tiña 3 médicos, “pero debido as xubilacións, baixas e vacacións, chegou a ter só un. Polo tanto, entre os dous centros de saúde de Cervo só había dous médicos, cando tiña que haber 1 en Cervo, e 3 San Cibrao. Estas son as contas do PP: deixar sen médico dous días á semana ó centro de saúde Cervo para trasladalo a dar consulta a San Cibrao”.
“Esta é a xestión sanitaria do PP nun concello de máis de 4.200 veciños, onde actualmente só hai dous médicos e medio. Ademais, toda esta situación agrávase coa chegada do verán, xa que a poboación increméntase e a atención sanitaria aínda é máis deficiente”, dixo Luján Ramos.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
