Eugenia Requeijo lamenta que “o alcalde teña denegado ao Grupo Popular o acceso á información da feira”, polo que cre que “oculta algo”
Muras, 28 de abril de 2023. O Partido Popular de Muras lamenta “a mala xestión do goberno do BNG e as irregularidades con respecto aos pagos das cantidades correspondentes aos premios da XXXIV Feira do Poldro e do Gando do Monte”. A voceira municipal e candidata á alcaldía, Eugenia Requeijo, sinala que “os gandeiros premiados nas distintas categorías dos concursos aínda non cobraron os cantidades anunciadas e que ascenden a máis de 4.000 euros”. Tendo en conta que a feira se celebrou a finais de setembro do 2022, “moitos veciños e veciñas de Muras e doutros concellos da zona que participaron na feira co seu gando -e tamén os participantes das carreiras- levan sete meses agardando por esas cantidades que o goberno local do BNG prometeu, pero non deu”.
Ante o malestar de varios veciños que trasladaron as súas queixas aos populares, a portavoz do PP interesouse por este asunto no pleno deste mércores no que “o alcalde recoñeceu que o expediente desta feira non está completo”. De feito, “esa foi a escusa que nos puxo para xustificar que nos denegara o acceso ao expediente ao que temos dereito. Se denega o acceso é porque oculta algo”, considera.
Ademais de coñecer polos propios afectados que aínda non cobraron as cantidades deses premios, os populares tamén constataron “outra irregularidade como é que as bases non foran publicadas no BOP da provincia. Só na web e as redes do Concello”.
O ALCALDE ACABA COA FEIRA, DE INTERESE TURÍSTICO GALEGO
A popular considera que, deste xeito, “o alcalde está acabando coa feira do poldro porque, se non paga o que ten anunciado aos participantes, os nosos gandeiros deixarán de asistir. Se non levan o gando, non hai feira”. A este respecto, Eugenia Requeijo lembra que “está declarada festa de interese turístico galego”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
