Os populares destacan que “son moitos os concellos que viron como nesta lexislatura non se cumpriron as previsións de construción de residencias, como poden ser os casos do Courel, Ferreira de Pantón, Guitiriz (estivo parada practicamente dous anos), Ourol e outra moitas, como a de Becerreá, que leva construída máis dun ano e non se pon en funcionamento”
Lugo, 21 de abril de 2023. O bigoberno provincial leva moitos meses buscando a maneira de librarse da súa rede de residencias, aínda moi lonxe de estar completa. De novo, socialistas e nacionalistas intentan que a Xunta se faga cargo dun servizo que, polo que parece, se ven incapaces de xestionar. O portavoz popular na Deputación, Javier Castiñeira, sinala: “A licitación da residencia da Pobra do Brollón é unha total e absoluta tomadura de pelo e unha mostra máis da nefasta xestión polo goberno provincial das residencias”.
Para Castiñeira, “se algo evidencia ese fracaso nas residencias de Tomé é que levan unha moción ao próximo pleno para ceder as residencias á Xunta de Galicia”. Sinala: “Dá a imaxe de que non son capaces de xestionalas; crearon unha rede que non poden manter e non sabe xestionar”.
Os populares destacan que o bigoberno provincial ten “compromisos con concellos que non son capaces de cumprir, como é o caso da Pobra de Brollón”. Engade: “E como este concello hai moitos outros que viron como nesta lexislatura non se cumpriron as previsións de construción de residencias, como poden ser os casos do Courel, Ferreira de Pantón, Guitiriz (estivo parada practicamente dous anos), Ourol e outra moitas, como a de Becerreá, que leva construída máis dun ano e non se pon en funcionamento”.
No PP lamentan “moitísimo a nula xestión de Tomé e comprendemos a todos estes concellos, como o de Portomarín e os doutras localidades, que viron como as promesas feitas no 2019 volven repetirse no 2023”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
