O Partido Socialista da provincia renova o 37% dos candidatos, combinando mocidade e experiencia, e convértese na forza política pola que se presenta un maior número de mulleres en Galicia, cun 36%, “un fito histórico do que nos sentimos moi orgullosos e unha mostra clara da nosa continua aposta real pola igualdade, na que seguiremos traballando”
Lugo, 21 de abril de 2023. O Partido Socialista cumpre cun dos grandes obxectivos marcados polo Secretario Xeral da provincia, José Tomé Roca, de cara ás vindeiras eleccións municipais do 28M e presenta candidaturas nos 67 concellos lucenses.
A Executiva Provincial do PSdeG aprobou na tarde de onte as propostas de lista de Friol, Muras, Xove e Paradela, que foron validadas pola Comisión de Listas nunha reunión inmediatamente posterior. Polo tanto, os socialistas teñen candidatos no 100% dos municipios da provincia.
O Secretario Xeral mostrou a súa satisfacción por cumprir co obxectivo de presentar lista nos 67 concellos, e facelo “cos mellores candidatos e candidatas, as mellores candidaturas e os mellores proxectos de futuro” para “consolidar as alcaldías que temos, gañar outras novas e manter a Deputación de Lugo”, subliñou o Secretario Xeral do partido na provincia.
O feito de cubrir a totalidade dos concellos e de presentar candidatos “solventes, cun fondo coñecemento do seu concello, preparación, propostas e máximo compromiso cos seus veciños” demostra “a fortaleza, o dinamismo, o traballo e a capacidade de ilusionar do PSdeG”, asegurou José Tomé Roca.
A presencia de mulleres, fito histórico
Froito diso, o Partido Socialista da provincia renova o 37% dos candidatos, combinando mocidade e experiencia, e convértese na forza política pola que se presenta un maior número de mulleres en Galicia, con 24, o que representa o 36%, “un fito histórico do que nos sentimos moi orgullosos e unha mostra clara da nosa continua aposta real pola igualdade, na que seguiremos traballando”, explicou o líder dos socialistas lucenses.
As candidaturas aprobadas onte son as de Friol, que lidera Ana María Pardo Lorenzo; Xove, que encabeza Rogelia Mariña Pernas; Muras, con María Jennifer Gómez Galego de candidata; e Paradela, con Iván Castro Díaz como candidato á Alcaldía.
Novas expectativas en moitos concellos
“Somos moitos e seremos máis”, recalcou o líder dos socialistas, incidindo en que o Partido Socialista conta hoxe con 27 alcaldías e forma parte doutros tres gobernos locais, o que supón 30 concellos que aglutinan “á maioría social” da provincia, ao representar o 65% da poboación, ademais de gobernar na Deputación de Lugo.
Dende este “bo punto de partida”, asegurou, “saímos a gañar estas eleccións. Cos candidatos e candidatas que presentamos estamos en condicións de renovar as alcaldías que temos, mellorando os resultados nalgúns casos”. “Temos clarísimas posibilidades de alcanzar outras novas, onde quedamos a un puñado de votos na última cita electoral; e abrimos novas expectativas en moitos outros concellos”, subliñou o Secretario Xeral.
OS 67 CANDIDATOS E CANDIDATAS DO PARTIDO SOCIALISTA
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
