O Alcalde e candidato preséntase coa firme vontade de “poder gobernar libre de ataduras, cunha maioría suficiente que me permita tomar as miñas decisións sen depender de ningún partido nin de ningún pacto”. Para iso, remarcou, “conto co apoio dunha candidatura formada por mulleres e homes de contrastada solvencia e espírito de servizo, con ilusión e ganas de traballar polo seus veciños e veciñas”
A Pastoriza , 18 de abril de 2023. O Alcalde da Pastoriza, Primitivo Iglesias Sierra, presentou a súa candidatura para revalidar a Alcaldía nas vindeiras eleccións municipais do 28 de maio. “Son veciñas e veciños da Pastoriza con experiencia, cualificadas, cunha gran capacidade de traballo e moi implicadas co noso concello e co seu futuro”, subliñou.
A Agrupación Socialista de Pastoriza celebrou este pasado domingo un xantar de presentación da lista electoral encabezada por Primitivo Iglesias no restaurante A Casa da Luz de Bretoña.
A Secretaria de Organización provincial, Pilar García Porto, entre outros responsables orgánicos, así como alcaldes e militantes do concello e da comarca, asistiron a este encontro, no que a dirixente socialista puxo á Pastoriza como exemplo das políticas centradas nas persoas “que sempre facemos os socialistas cando gobernamos, pois impulsamos propostas e iniciativas que reverten directamente en mellorar a calidade de vida de toda a veciñanza”.
Neste sentido, incidiu, “o que fai falta para que a xente siga vivindo no rural son servizos públicos, cando menos, como os que teñen nas cidades, e emprego. E iso é polo que traballamos cada día os socialistas alí onde temos responsabilidades de Goberno, como demostra o Goberno de España e como demostramos na Deputación de Lugo. Por iso, síntome moi orgullosa desta candidatura que encabeza Primitivo Iglesias, porque sei que é un home comprometido, con conviccións firmes e disposto a seguir traballando a reo polo seu pobo”, subliñou García Porto.
Primitivo Iglesias recalcou que ten “ilusión e forzas” para finalizar os proxectos que ten en marcha, e para impulsar “outros novos que contribuirán ao progreso e a mellorar a calidade de vida das veciñas e dos veciños das 19 parroquias da Pastoriza. Con este empeño serio, firme e rigoroso me presento”.
O Alcalde e candidato socialista engadiu que se presenta ás vindeiras eleccións coa firme vontade de “poder gobernar libre de ataduras, cunha maioría suficiente que me permita tomar as miñas decisións sen depender de ningún partido nin de ningún pacto”. Para iso, remarcou, “conto co apoio dunha candidatura formada por mulleres e homes de contrastada solvencia e espírito de servizo, con ilusión e ganas de traballar polo seus veciños e veciñas”.
Candidatura do PSdeG ás eleccións municipais da Pastoriza
A candidatura socialista da Pastoriza está composta polos seguintes candidatos e candidatas:
1- Primitivo Iglesias Sierra
2- Constantino Fernández Leira
3- Montserrat Cabaneiro Rego
4- Montserrat Casanova Ónega
5- Rubén Carballal Gasalla
6- José Luis Seco Muiña
7- Jesús López Expósito
8- Miguel A. Rico Rodríguez
9- Sonia Valiña Piñeiro
10- Sonia Dorado Fernández
11- Digna Gallego Méndez
Suplentes: Antonio Lorigados Eiras; José Corral Cabado; Iván Andión Ledo; Laura Eguizabal Saenz e Tania Canto Morado.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
