O alcaldable destacou o importante papel da muller no partido e, por iso, “non podíamos comezar a campaña con outro acto que non fora poñendo o valor das nosas mulleres que día a día están levantando Ribadeo”
Ribadeo, 12 de maio de 2023. O Partido Popular de Ribadeo comezou hoxe a campaña política cunha reunión coa conselleira de Promoción do Emprego e Igualdade, María Jesús Lorenzana, na que se abordou o papel que xoga a muller no sector do emprendemento e do rural. Neste sentido, o candidato á alcaldía Dani Vega, destaca o papel “tan importante” da muller do rural en Ribadeo, pola súa implicación co sector: “neste primeiro acto de campaña, quixemos destacar o papel da muller traballadora nos diferentes sectores, pero sobre todo no sector primario, no rural”. Ademais, agradeceu á conselleira “por vir a Ribadeo e coordinar políticas que axuden a impulsar o emprego na vila”.
Vega subliña a presenza da muller en Ribadeo en tódolos eidos: “temos que destacar ás mulleres que día a día están levantando Ribadeo, xa sexa sector servizos, hostalería, na educación temos mestras que non só fan ben o seu traballo senón que teñen unha implicación cos mozos e mozas de Ribadeo en ámbitos culturais. Temos mulleres fortes e traballadores que ademais de educar aos nosos nenos dirixen a coral polifónica, o coro xuvenil ou forman parte das AMPAS e tamén temos que destacar o papel tan importante da muller do mar.”
Por outra banda, o candidato di: “En xeral cada unha das mulleres traballadoras aporta individualmente e axuda moito ao colectivo de Ribadeo e, como non podía ser de outra forma, un partido como o noso que está liderado por mulleres. Por iso mesmo, tiñamos que empezar o primeiro acto apoiando as mulleres do noso municipio”.
Pola súa parte, María Jesús Lorenzana agradeceu a Daniel Vega e a todo o seu equipo a invitación ao acto no que asegurou o compromiso do Goberno galego para poñer o aceno na mellora das condicións laborais e a prol da igualdade das mulleres galegas. Neste senso, lembrou que a Xunta de Galicia conta co Plan Emprega Muller que, cun orzamento de máis de 16 millóns de euros, está conformado por programas específicos para prestar un apoio integral para o acceso, o mantemento, a consolidación e a promoción profesional do colectivo feminino. “A mulleres rurais sodes unha forza clave do noso mercado de traballo. Representades a cuarta parte da poboación mundial e sodes un dos alicerces esenciais para o desenvolvemento sostible e para a valorización do medio rural, que é a despensa e o pulmón do mundo”, dixo a conselleira.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
