O encontro celebrado hoxe contou coa participación do Delegado do Goberno en Galicia, José Ramón Gómez Besteiro, e da Deputada no Parlamento de Galicia Patricia Otero, e reuniu a alcaldes e voceiros da comarca, militantes, simpatizantes e veciños
Cervo, 20 de maio de 2023. A candidata do PSdeG á Alcaldía de Cervo, Luján Ramos, ofreceu este sábado un mitin na Casa do Mar de San Cibrao. O acto contou coa participación do Delegado do Goberno en Galicia, José Ramón Gómez Besteiro, e da Deputada autonómica, Patricia Otero, e reuniu alcaldes e alcaldesas, candidatos e candidatas, militantes e simpatizantes, ademais de veciños e veciñas do municipio e da comarca.
“Traballaremos para ofrecer servizos e oportunidades laborais, que é o básico para que a xente nova se quede ou volva a Cervo”, asegurou a candidata, incidindo en que resulta “moi importante contar cunhas dotacións que permitan facer do noso un concello no que a xente estea a gusto, porque xa temos o resto de ingredientes que fan de Cervo o sitio perfecto para vivir e criar a unha familia”.
Un Plan Industrial para A Mariña
“Necesitamos poder ofrecer traballo, se queremos que a xente quede en Cervo. Temos que poñer os medios para que aqueles que marchan fóra a estudar poidan volver”, apuntou a alcaldable. Nese sentido, falou da necesidade de que A Mariña conte “dunha vez por todas” cun Plan Industrial, para multiplicar as posibilidades laborais da poboación. “É unha pena que os pobos vaian envellecendo e que toda a xente nova marche para localidades máis grandes”, sinalou.
A socialista explicou tamén o importante que son na Mariña as infraestruturas e sobre ese punto sinalou que entre as súas prioridades estará buscar a forma de “conectar o polígono de Cuíña coa N-642 e á Mariña co resto de Lugo e de España”. E puxo o foco en dúas vías fundamentais: a A-74, que unirá a A-8 con San Cibrao, e a Vía de Alta Capacidade Costa Norte, de San Cibrao a Ferrol”.
Fixo fincapé na importancia do benestar social e do coidado dos maiores, e entre as súas propostas programáticas destacou a ampliación do Servizo de Axuda no Fogar (SAF), a xestión de máis prazas de Centro de Día e residencia ou dun servizo de vixilancia e acompañamento ás persoas que o precisen.
Tras 8 anos como Concelleira do PSdeG, formando parte do equipo liderado por Francisco Mon, agora Luján Ramos dá un paso adiante para encabezar unha candidatura que, como ela mesma destacou no acto que tivo lugar este sábado en San Cibrao, “integran veciños e veciñas traballadores de diferentes sectores, que apostamos por traballar activamente e por mellorar este concello con sentido común”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
