Ribadeo, 4 de maio de 2023. O alcalde, Fernando Suárez, destaca o músculo que está a coller Ribadeo nos últimos tempos. Deste xeito refírese ás licencias de obras que concede cada quince día a xunta de goberno local.
O rexedor contou que “vimos de celebrar coa normalidade destes últimos anos unha xunta de goberno local, coa periodicidade quincenal. Deste xeito, os expedientes, especialmente os de obras, non sofren demoras na tramitación e aplicamos con rigor os principios de eficacia e celeridade no tratamento dos asuntos administrativos. Apoiados nisto e tamén na satisfacción de ter feito os deberes de ter vixente un moderno Plan Xeral de Ordenación Municipal e un Plan Especial do Casco Vello, entre outros instrumentos, que facilita e dá seguridade xurídica a toda esta mellora continuada que vemos en Ribadeo nestes últimos anos”.
Suárez Barcia explicou que “así, nesta xunta de goberno demos licenza de obras, entre outras, para a construción dunha nova vivenda na Rúa Amador Fernández, a rehabilitación integral doutra vivenda no barrio dos Galos así como a ampliación dun establecemento de hostalaría no peirao de Porcillán”.
O alcalde dixo que “xa empeza a ser habitual que en cada xuntanza quincenal no goberno outorguemos algunha licenza de obras maiores, tanto na vila como nas parroquias. E isto é un bo síntoma do músculo que está a coller Ribadeo nestes últimos tempos, fortalecido tamén pola seguridade xurídica que ofrecemos desde o Concello”.
Fernando Suárez tamén indicou que “a día de hoxe hai varios expedientes en diferentes graos de tramitación para empezar a desenvolver polígonos urbanísticos de ámbitos urbanos que están contemplados no Pxom. Nestas novas zonas urbanas previstas, pódese construír pero a lexislación tamén obrigará aos promotores a facer unha serie de cesións de superficies para espazos públicos verdes, dotacionais, aparcamentos, etc. Estas tramitacións son mais longas porque precisan de informes preceptivos autonómicos, que son os puntos nos que estamos neste momento, pero que se irán vendo nos próximos tempos”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
