Viveiro, 12 de maio de 2023. O Concello de Viveiro anuncia o programa de actos previstos para o próximo mércores co gallo do Día das Letras Galegas, unha xornada especial e festiva na vila que neste 2023 está dedicada a Francisco Fernández del Riego.
A xornada do día 17 comezará ás 12:00 horas coa interpretación do Himno de Galicia no balcón da Biblioteca Municipal a cargo de David Bellas, artista e profesor do CMUS de Viveiro. De seguido, na Praza Maior, celebrase un baile tradicional e xuvenil a cargo de Bágoas da Terra.
Ás 13:30 horas, na Praza da Fontenova, terá lugar a iniciativa “Música e Libros” coa colaboración da Libraría Porta da Vila e de África Copias, que inclúe un concerto do coro infantil do colexio Lois Tobío.
Xa pola tarde, ás 18:30 horas, o Teatro Pastor Díaz acolle a actuación de Magín Blanco “Cuaderno de Cores e Cancións”, con entrada de balde ata completar aforo.
O Día das Letras Galegas tamén terá unha especial actividade en Covas, cun pasarrúas de música tradicional a cargo do grupo “Amigos do Folk”.
“Dende o concello estamos especialmente orgullosos da implicación do noso tecido asociativo e cultural na celebración dunha xornada tan importante para por en valor a nosa lingua, as nosas tradicións e a nosa cultura”, sinala María Loureiro, alcaldesa de Viveiro.
Os actos de celebración continuarán na xornada do xoves cun concerto do Cuarteto de Clarinete do CMUS na Praza da Fontenova a partir das 18:30 horas; mentres que o venres, ás 18:00 horas, na mesma localización, tocará o Grupo de Gaitas.
Así mesmo, a sala multiusos acolle entre este luns día 15 e o luns 22 a exposición “Exaltación do traxe galego” que poderase ver de 10:00 a 14:00 horas grazas a Bágoas da Terra.
A concelleira de Cultura, Lara Fernández Fernández-Noriega, anima á veciñanza a sumarse un ano máis á iniciativa colectiva “Orgullo de ser”, que propón incorporar pezas do traxe tradicional galego á súa vestimenta ou a vestirse completamente co traxe.
Tamén se recorda que entre o día 15 e o 19, a Biblioteca Municipal agasallará aos seus usuarios e usuarias (ata esgotar existencias) cunha bolsa conmemorativa deste día tan especial.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
