O encontro, que tivo lugar coa responsable de Emprego e Igualdade do Goberno galego, María Jesús Lorenzana; permitiu aos empresarios expoñer as súas preocupacións laborais
Lourenzá, 3 de maio 2023. O PP de Lourenzá, Barreiros e Trabada participaron nun encontro coa conselleira de Promoción do Emprego e Igualdade da Xunta de Galicia, María Jesús Lorenzana, no que apostaron firmemente pola colaboración co sector empresarial como fonte de riqueza e de creación de emprego. Neste acto conxunto, no que tamén asistiu o coordinador xeral do PP lucense, José Manuel Balseiro; e o delegado territorial da Xunta de Galicia en Lugo, Javier Arias; as agrupacións locais escenificaron a importancia da cooperación entre os municipios que “permitirá facernos máis fortes”.
No coloquio, a responsable de Emprego e Igualdade do Goberno galego conversou directamente cos empresarios e novos emprendedores para coñecer as súas preocupacións e resolver as súas dúbidas en cuestións como a formación específica para traballadores de pequenas empresas. Neste sentido, Lorenzana avoga por propostas para o fomento do emprendemento e a creación de emprego a través de iniciativas como a formación profesional específica que a Xunta dirixe a empresas para contratar e formar persoal cualificado. Ademais lembrou que hai un mes inaugurouse un Polo de emprendemento e apoio ao emprego en Mondoñedo para asesorar aos interesados en comezar cun proxecto empresarial e co que se prestará servizo aos 15 concellos da Mariña. Pola súa parte, os candidatos populares da Mariña lucense agradeceron a visita da conselleira como unha maneira de resaltar o compromiso da Xunta de Galicia co sector empresarial.
O candidato do PP de Lourenzá, Roberto Díaz Expósito, resaltou a importancia da cooperación entre os concellos como unha medida de fortalecer os municipios. Díaz destacou o seu apoio e compromiso co tecido empresarial e sinalou a necesidade de atender ás súas demandas.. Así mesmo, cre que o goberno local debe colaborar coa asociación de comerciantes.
Durante o encontro o alcaldable de Barreiros, José Manuel Gómez Puente, puxo en valor a visita de Lorenzana ante a problemática que teñen moitos autónomos para atopar traballadores e “a dificultade que iso supón para os seus negocios”. Neste sentido, Gómez Puente di: “Estas charlas permítennos trasladar de primeira mán os problemas dos noso veciños e atopar unha solución. En Barreiros temos principalmente empresas de hostalería e camping, pero non temos moito comercio, polo que hai unha preocupación xeral ante o escenario actual”. Para resolver esta problemática, desde o grupo popular de Barreiros queren revisar as parcelas que están sen uso no polígono industrial para impulsar a creación de empresas e estudar medidas que apoien ao comercio local.
Pola súa parte, o candidato á alcaldía de Trabada, José María Fernández Vázquez, destacou as axudas da Xunta de Galicia en materia empresarial como referentes e subliñou a necesidade de ofertar máis axudas no rural: “Nós queremos solicitar axudas máis específicas para os emprendedores do rural en poboacións de menos de cinco mil habitantes e disporemos dun programa de asesoramento a empresas e autónomos en materia de axudas e subvencións”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
