Francisco Conde puxo en valor o traballo de empresas como Ferroplast e Tepsa e reclamou do Goberno un marco enerxético competitivo que lles permita traballar en igualdade de condicións que no resto de países europeos
Muras, 15 de maio de 2023. A candidata á alcaldía de Muras, Eugenia Requeijo, o vicepresidente primeiro da Xunta de Galicia, Francisco Conde, e o coordinador xeral do PP lucense, José Manuel Balseiro Ourol, visitaron esta mañá as instalacións de Ferroplast e Tepsa, pertencentes ao Grupo Plásticos Ferro, para poñer en valor traballo que realizan e como unha mostra de apoio ao tecido empresarial do municipio. A primeira é unha empresa cunha larga traxectoria dedicándose á fabricación e comercialización de sistema de tubaxes e accesorios de plástico, o que permite solucionar calquera tipo de necesidade en materia de conducións e canalizacións. A segunda fabrica caixas de plásticos e outros produtos para o sector alimentario.
Unha das cuestións que máis resaltan no proxecto de Eugenia Requeijo é a ampliación e adquisición de solo industrial entorno aos terreos das naves que utilizan as empresas para as súas labores. O municipio necesita esta ampliación do espazo para dar respostas ás demandas de solo que formulan os empresarios da zona.
Eugenia Requeijo destaca o seu total apoio á industria e apunta que “un dos asuntos que máis relevancia adquire para nós é adquisición de solo industrial para atraer empresas, axudar ás que están asentadas e xerar oportunidades de emprego para os máis mozos que, á súa vez, implica un apoio ao asentamento da poboación. Neste caso en Ferroplast queren ampliar unha zona de almacenamento e por iso é necesario máis solo industrial, con este tipo de medidas queremos apoiar o desenvolvemento da industria en Muras”.
Pola súa parte, Francisco Conde subliñou que grazas a Ferroplast, Muras é a denominación de orixe das primeiras tubaxes de PVC que se fabricaron en España nos anos 60. Por iso, considera fundamental que desde o Concello se lle facilite ás empresas de Ferroplast máis solo industrial para ampliar as súas instalacións, compañías -Ferroplast e Tepsa- que facturan entre as dúas preto de 75 millóns de euros e empregan a máis de 200 traballadores.
Conde trasladou, ademais, o apoio do PP á industria que, como Ferroplast, é intensiva en enerxía, -concretamente a coxeración e a electrointensiva- e reclamou do Goberno un marco enerxético competitivo que lles permita traballar en igualdade de condicións que no resto de países europeos.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
