O Secretario Xeral do PSdeG-PSOE na provincia de Lugo remarcou este mércores, nas vésperas do arranque da campaña electoral, que o partido “presenta os mellores candidatos e candidatas” e vai cumprir o obxectivo de manter as actuais alcaldías, gañar outras novas e manter a Deputación de Lugo
Lugo, 11 de maio de 2023. O Secretario Xeral do PSdeG-PSOE na provincia de Lugo, José Tomé Roca, remarcou este mércores, nas vésperas do arranque da campaña electoral, que os socialistas encaran estas eleccións municipais con “moita ilusión porque saímos a gañar”.
O líder socialista subliñou que o partido presenta “os mellores candidatos e candidatas, e os mellores proxectos de futuro para cada un dos 67 concellos da provincia”, e “non cabe ningunha dúbida de que imos manter o obxectivo que nos fixáramos cando me elixiron Secretario Xeral, que pasa por manter todas as alcaldías que temos neste momento na provincia de Lugo e acadar algunhas máis, ademais de manter a Deputación de Lugo”. Engadiu que o PSOE “está no bo camiño”, facendo fincapé en que nas pasadas eleccións municipais xa obtivo bos resultados e que ao longo deste mandato se traballou para conseguir novas alcaldías.
“Superaremos ao Partido Popular na provincia de Lugo”, afirmou referíndose aos resultados da vindeira cita electoral do 28 de maio. En relación á Deputación de Lugo, manifestou que seguirá cun Executivo socialista á fronte, “un Goberno de progreso, liderado polo Partido Socialista, que é o mellor que lle pode ocorrer á provincia de Lugo”.
“Vamos gañar para que gañen os 67 concellos”
Tomé Roca sostivo que o PSOE se presenta ás municipais cos mellores candidatos e candidatas para cada un dos concellos e para o conxunto da provincia. “Falar de socialismo é falar de proximidade cos veciños e veciñas, de capacidade de xestión, de defensa dos servizos públicos, de promoción da economía e da aposta polo rural para que teña futuro”. Deste xeito, asegurou o líder dos socialistas na provincia, “vamos gañar para que gañen os 67 concellos da provincia de Lugo en servizos, en mobilidade, en emprego, en calidade de vida e en benestar”.
Unhas eleccións con voz de muller
“A provincia de Lugo necesita máis socialismo porque o socialismo significa avanzar, progreso, futuro e igualdade”, incidiu José Tomé, quen destacou o “fito histórico” do liderado de mulleres nas listas do partido, con 24 candidatas, o 36% do total, a porcentaxe “máis alta das provincias galegas e probablemente do conxunto do Estado”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
