Burela, 11 de xuño, 2023. A Organización de Produtores Pesqueiros do Porto de Burela e Armadores de Burela promocionaron esta semana os seus produtos pesqueiros máis representativos na 26ª edición do Salón de Alimentación do Atlántico “Salimat Abanca”, que se está celebrando na Feira Internacional de Galicia, en Silleda (Pontevedra).
Dentro do programa de catas e degustacións dos produtos do mar “GALICIA SABE A-MAR” no stand da Consellería do Mar da Xunta de Galicia destacan un ano máis a pescada do pincho de Burela e o bonito do norte de Burela.
Na mañá do domingo celebrouse a degustación gastronómica “Galicia sabe a-mar: pescada do pincho de Burela” a cargo do chef José Manuel Mallón, de Espazo Gastronómico Remollo de Ames, que preparou dúas receitas en maridaxe con outras denominacións de Galicia, como os viños D.O. Rías Baixas ou os Pementos de Herbón: “Cola de Merluza D& Burela ao vapor de alga wakame con fabas de comino e pan de castaña e sepia”; “Lombo de Merluza D& Burela á prancha sobre emulsión de alga codium e Pementos de Herbón”.
Salimat constitúe o mellor espazo para promocionar os produtos artesáns, gourmet, ecolóxicos e innovadores, e por iso Burela participa un ano máis neste Salón Gastronómico. Na xornada inaugural do pasado xoves o protagonismo tamén foi para o “peixe de Burela”, coa degustación “GALICIA SABE A-MAR: BONITO DO NORTE”, a cargo do chef Moisés Rodríguez, do Taller del Bienestar de Ourense, acompañado de viños da D.O. Monterrei.
Estas accións inclúense no plan de produción e comercialización da Organización de Produtores Pesqueiros Porto de Burela, realízanse en colaboración con Armadores de Burela e están cofinanciadas por Xunta de Galicia e FEMPA.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
