Os populares consideran “un mal comezo do bipartito” que primeiro deixen perder 6 postos de traballo e agora amosen falta de sensibilidade para xestionar estas queixas veciñais
Burela, 23 de xuño de 2023. O Grupo Municipal do PP de Burela censura que “o goberno bipartito trate de trasladar aos pais e nais dos nenos e nenas a culpa da mala planificación e execución da obra municipal da zona de calistenia no parque Rosalía de Castro” e urxe ao Concello a adoptar medidas inmediatas para garantir a seguridade dos menores na zona, que a pesar de non tratarse dunha área infantil está a ser moi empregada por menores.
Foron xa tres os menores accidentados -algúns deles con feridas de diversa consideración- o mesmo día da inauguración da área de calistenia, o pasado mércores. Nese sentido, os populares explican que, segundo nos trasladaron, “a resposta do goberno bipartito ante as queixas sobre a súa perigosidade foi que hai que vixiar aos menores e estar máis atentos”.
Se ben é certo que “existe sinalización que advirte de que non poden acceder á área as persoas que midan menos de 1,45 metros; cremos que esa non é unha medida de seguridade suficiente e, moito menos, xustifica esas palabras aos pais e nais”.
A instalación desta área nas proximidades da zona de xogo, a falta de valado ou a elevación do bordillo que non axuda a evitar caídas e tropezóns son, para os populares, “decisións desacertadas e que responden ás presas á hora de anunciar obras por parte do señor Ramiro Fernández -concelleiro de obras no anterior mandato e actual segundo tenente de alcalde- coincidindo coa precampaña electoral”.
O PP local considera este “un mal comezo para o novo goberno bipartito” porque “despois de coñecer a pasada semana que deixaban perder a posibilidade de contratar a seis persoas no paro creando outros tantos postos de traballo moi necesarios na nosa vila, agora vemos a falta de sensibilidade á hora de xestionar queixas sobre unha das primeiras obras que inaugura o novo goberno”.
É por iso polo que os populares se preguntan se “vai ser este o proceder do goberno bipartito de Burela ao longo deste mandato e se así vai ser o trato aos veciños e veciñas”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
