A conta atrás para a “X Festa Castrexa” xa rematou e este venres á noite terá lugar o San Xoán Castrexo na praza do Concello de Burela
Burela, 22 de xuño, 2023. O concerto de “A Banda da Loba”, que será gratuíto ás 20:30 na praza do Concello, dará inicio este venres ás celebracións da “X Festa Castrexa” de Burela. Aproveitando a coincidencia de datas, é o segundo ano consecutivo no que a a noite de San Xoan se celebra en Burela como punto de partida para a súa festa histórica, que está organizada pola Asociación Burela Castrexa.
Este ano ademais coinciden en datas coa celebración de importantes eventos deportivos na contorna, que traen á Mariña e a Burela a milleiros de visitantes de outras zonas de Galicia e de España.
Por exemplo no “Memorial Heroes do Orzán”, que se celebra en Burela, San Cibrao, Xove, Viveiro e Foz do 23 ao 27, participan 67 equipos de todo o noroeste e de Madrid, e estímase que só este torneo de fútbol sala trae á comarca a unhas 3.000 persoas, entre clubes, acompañantes e familiares.
Pola súa banda, o VII Torneo Marosa Cup de fúbol base, que se celebra en Burela o 24 e 25, reúne a uns 60 equipos de fútbol e ao redor de mil persoas, só contando os xogadores dos equipos de competición, ao que habería que engadir tamén os seus acompañantes.
Desde a organización da Festa Castrexa anímase a todas estas familias e grupos de
visitantes a unirse á celebración do San Xoán Castrexo, nunha noite na que poderán disfrutar dunha parrillada popular, con sardiñada, churrascada, fogueira e queimada popular na praza do Concello de Burela. A noite tamén terá grandes atractivos musicais, desde o concerto de “A Banda da Loba” ou as actuacións da orquesta Origen e de Dj Litainer, ademais dunha “Foliada” na que intervirán representantes dos grupos locais de Ledicia, Dambara e Arume.
Seguindo coas celebracións deportivas, este sábado pola tarde, coincindo co día grande da “X Festa Castrexa”, o equipo feminino do CD Burela FS xoga en Vista Alegre o segudo partido do play-off polo título de Liga de Primeira División. Por iso desde a organización da Festa Castrexa tamén se lle envía ó equipo toda a forza dos “espíritus castrexos”, desexando poder celebrar pola noite no recinto da festa o quinto título de Liga da súa historia.
X FESTA CASTREXA
Durante a xornada do sábado 24 de xuño terá lugar a celebración da “X Festa Castrexa”, que se concentra en diferentes puntos da vila. A praia de Portelo acollerá desde as 11 da mañá unha nova edición dos “Xogos Castrexos”, convertidos nunha auténtica “Guerra de Clans”.
Unha vez rematados os xogos, os clans castrexos desfilarán xuntos desde a praia ata a praza do Concello para celebrar a sesión vermú, onde se entregarán os premios para os clans e personaxes mellor caracterizados.
Despois dunha parada para degustar os “Xantares Castrexos” na hostalería local, pola tarde volverá ter lugar unha nova edición da “Busca do Torques”, trala xuntanza dos clans na praza do Concello ás 18h.
Este ano tamén se teñen programadas actividades, xogos, obradoiros e ludoteca para os castrexos máis peques na praza durante a tarde. Desde o venres a mediodía tamén estará aberto o “Mercado Castrexo”, que une con diferentes postos de artesanía as prazas do Concello e da Mariña, onde estarán ubicadas diferente atraccións xuvenís.
Pola noite celebrarase a cerimonia das “Vodas Castrexas” na praza do Concello, onde participarán tódalas parellas previamente inscritas. A continuación terá lugar un espectáculo de lume a cargo de “Manos de Fuego”.
A música volverá ter un papel protagonista durante o sábado, desde os pasarrúas a cargo da Banda de Gaitas Dambara, ata a actuación de Fanfarria Taquikardia abrindo o desfile de clans, e as actuacións da orquesta “Unión y Fuerza” e disco “The Sound Project”, que pecharán con unha gran noite de festa esta edición da Festa Castrexa de Burela.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
