Burela, 26 de xullo de 2023. O salón de plenos acolleu este mediodía a presentación da Feira do Bonito e de Produart, que terán lugar a primeira fin de semana de agosto. No acto participaron a alcaldesa, Carmela López, a presidenta da Sociedade Cultural e Recreativa Ledicia, Rocío Rivera, o xerente da Fundación Expomar, José Manuel González Brais, e o director Xeral de Pesca, Antonio Basanta.
A continuación tivo lugar un showcooking, organizado pola Deputación Provincial de Lugo, na Praza do Concello, que contou coa participación dos cociñeiros Juan Rubinos, Carlos González e Pablo Vila, que elaboraron marmitako 2.0, tartar de bonito con millo tostado e pesto e bonito marinado, crema de tomate e cereixas encurtidas.
Na súa intervención a alcaldesa, Carmela López, sinalou que “xa son 37 anos celebrando unha forma de pescar tradicional e sostible coa nosa Feira do Bonito e máis de 20 acompañando a mesma coa Feira Produart. Desde o ano 83, esta Feira, que na súa orixe era o sábado á tarde, cando repartía daquela a ración principal, foi medrando e á mesma se foron sumando outras actividades que hoxe presentamos e que a fan máis especial. Sentimos orgullo de pobo polos voluntarios e voluntarias que fan esta feira posible e por todas as entidades colaboradoras”.
A rexedora subliñou que “a Feira este ano ademais comeza este xoves día 27, cunhas xornadas promovidas pola Sociedade Cultural Ledicia, que doa dúas pezas de bonito aos establecementos participantes e polo Concello de Burela, que pon a disposición un tren turístico o xoves 27 e venres 28 para tapear bonito a todo tren. O mapa xa está dispoñible nas nosas redes sociais para que as nosas veciñas, veciños e visitantes coñezan as paradas da ruta”.
A XXXVII Feira do Bonito de Burela terá lugar os días 5 e 6 de agosto, aínda que as actividades xa darán comezo mañá co III Tapeo do Bonito en 14 locais hostaleiros que ofrecerán as súas preparacións ata o vindeiro domingo, 30 de xullo. Tamén haberá a Semana Bonita de Rebaixas nos establecementos asociados a Acia Burela. Haberá ademais actividades deportivas e tamén quedada de coches clásicos.
O 5 de agosto ás 13:30 horas será o pregón a cargo de David López Mon e a continuación terá lugar a tradicional degustación de bonito. A oferta gastronómica brinda dúas opcións: a tapa de salpicón por 3 euros e a ración clásica (de bonito cocido, bonito asado á grella e empanada) por 9 euros. Pola tarde terán lugar tres concertos ás 20.30h no recinto da Feira: Pauliña, Ruxe-Ruxe e Dj Chente.
O domingo 6 de agosto seguirán as actividades da Feira. Ás 11.30 horas terán lugar as actividades infantís a cargo de Xogando nas Nubes. Ás 13.30 horas abrirase a degustación de marmitako, acompañada nesta ocasión dunha sesión vermú cos grupos Superglú e Escuchando Elefantes. Seguidamente, será a entrega de premios do VII Concurso Internacional de Pintura Mural Amarte.
A intensa axenda de actividades rematará coa proxección do documental Morabeza, de David López Mon, na Praza do Concello, seguida de coloquio con persoas protagonistas e o autor da peza.
Os organizadores agradecen de maneira especial ás máis de cen persoas voluntarias e ás empresas privadas que de xeito anónimo colaboran na Feira. O evento está organizado por Ledicia, que conta coa colaboración do Concello de Burela, da Deputación de Lugo, da Xunta de Galicia, de Absa, Confraría de Pescadores, Acia Burela, Fundación Expomar, Acega, Autoclásicos da Mariña, Veteranos SD Burela, Club Baloncesto Burela, Asociación Burela Floral e Asociación Cultural Fanto Fantini.
Do 4 ao 6 de agosto tamén se celebrará en Burela na nave de redes a XXI Feira dos Produtos Artesanais e Ecolóxicos Produart na que se darán cita arredor de 50 expositores. O programa inclúe obradoiros, conferencias e actividades infantís. Produart está organizada pola Fundación Expomar.
A primeira fin de semana de agosto estará repleta de actividades en Burela, xa que tamén se celebrará a sétima e última edición do Certame de Pintura Mural Amarte.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
