As obras que impulsa a Xunta permitirán triplicar a poboación servida e multiplicar por 9 a capacidade de tratamento, acabando coas deficiencias de funcionamento do sistema de saneamento e depuración de Foz
Santiago de Compostela, 4 de xullo de 2023. A Xunta, a través de Augas de Galicia, rematará neste mes de xullo o proxecto dos colectores e da nova depuradora de Foz, que suporán un investimento de máis de 12,2 millóns de euros.
Así llo trasladou a directora de Augas de Galicia, Teresa Gutiérrez, nunha reunión de traballo mantida esta mañá en Santiago co alcalde, Francisco Cajoto, na que tamén participou o xerente da entidade, Gonzalo Mosqueira e o director de obra.
No encontro, Teresa Gutiérrez pediulle axilidade ao Concello na realización dos trámites municipais pertinentes para poder iniciar as obras, tendo en conta que a administración local iniciou as expropiacións dos terreos necesarios para levar a cabo as actuacións.
Así, a directora de Augas de Galicia solicitoulle á administración local que someta canto antes o proxecto a información pública. Unha vez analizadas e contestadas as achegas recibidas por parte do organismo hidráulico da Xunta, o Concello deberá aprobar en Pleno o proxecto, o que permitiría comezar as obras.
O obxectivo é construír unha nova depuradora de augas residuais e un tanque de tormentas, ademais de ampliar os bombeos e os colectores, para acabar coas deficiencias de funcionamento do sistema de saneamento municipal, que non ten a capacidade necesaria para acadar os obxectivos de vertido de calidade na auga tratada, principalmente no verán, cando a chegada de turistas incrementa significativamente a poboación.
Para iso executarase unha nova depuradora el Caldouceiro cun caudal máximo de 700 m³/hora e capacidade para atender a 22.342 habitantes, con 2 liñas de desbaste, desareado-desengrasado, tratamento biolóxico por ultravioleta e liña de lodos.
Construirase tamén un novo tanque de tormentas, situado no punto baixo da conca principal, ao lado da actual depuradora, con capacidade para 1.000 m³ e dotado de 3 bombas centrífugas somerxibles, medición de caudal e funcionamento autónomo con envío de datos. Ademais ampliaranse o caudal e a capacidade dos bombeos actuais e disporanse de 4,7 quilómetros de novas conducións.
As intervencións impulsadas pola Xunta permitirán triplicar a poboación servida e multiplicar por 9 a capacidade de tratamento. Os traballos iniciaranse antes de que remate o ano e terán un prazo de execución de 18 meses para a execución das obras e 12 para a posta en marcha da nova depuradora.
A actuación é cofinanciadas con fondos europeos FEDER no marco do programa operativo 2014-2020.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
