A subdelegada insistiu en que “a violencia machista só se pode eliminar dende o traballo en común, uníndonos para amplificar os mensaxes de rexeitamento aos agresores e de apoio ás vítimas”
Meira, 6 de xullo de 2023. A subdelegada do Goberno en Lugo, Isabel Rodríguez, insistiu hoxe en Meira que “a violencia machista só se pode eliminar dende o traballo en común, uníndonos entre administracións e sociedade, para amplificar os mensaxes de rexeitamento aos agresores e de apoio ás vítimas”. Isabel Rodríguez desprazouse este xoves ao Concello de Meira onde recala o proxecto MAVI: a Maleta Viaxeira contra a Violencia de Xénero”, unha iniciativa promovida pola Subdelegación do Goberno que achega libros de diferentes temáticas relacionadas co feminismo, a igualdade, o empoderamento, a autoestima ou a violencia machista ás veciñas e veciños de todas as idades.
“MAVI é un proxecto máis necesario que nunca, pois, por desgraza, vemos a diario como algúns negan e esconden socialmente a realidade da violencia machista, con discursos que abrazan a desigualdade que sofren as mulleres”, advertiu Isabel Rodríguez quen pediu responsabilidade ás institucións “para seguir desenvolvendo políticas públicas destinadas a transformar a nosa sociedade nunha más igualitaria, xusta e segura para as mulleres”.
A subdelegada, xunto ao alcalde de Meira, Antonio de Dios, e a xefa da unidade de violencia de xénero da Subdelegación, María Luisa Castro, explicou na biblioteca da Casa da Cultura que “con esta proposta queremos chegar ao maior número de persoas da provincia, mulleres, homes, nenos e nenas, porque a violencia machista nos interpele a todas e todos e non podemos permitir retroceder nin dar nin un paso atrás neste sentido”.
Tal e como explicou Rodríguez, o Concello de Meira súmase aos de Viveiro, Sarria, Vilalba e Quiroga, así como aos centros penitenciarios de Bonxe e Monterroso, que traballaron con textos que promoven a reflexión, a sensibilización e concienciación sobre temas determinantes para conseguir unha sociedade libre de violencias, favorecendo un pensamento crítico ante os estereotipos e roles de xénero que perpetúan estas violencias e desigualdades.
En total, son 3 maletas as que están a percorrer a provincia con este material que seguirá a súa viaxe en centros de información á muller, asociacións de mulleres vítimas de violencia de xénero e servizos sociais dos municipios que soliciten a maleta.
Durante o acto, Isabel Rodríguez agradeceu ao Concello de Meira a súa colaboración con esta iniciativa, que permanecerá tres meses no municipio, encamiñada á concienciación e sensibilización da cidadanía en igualdade “para que a sociedade no seu conxunto comprenda que a violencia machista debe ser erradicada das vilas e cidades”.
12 libros e un diario de viaxe
A maleta conta con doce libros coa idea de que todas as mulleres, independentemente da franxa de idade, poidan formar parte do proxecto. Así mesmo, a maleta contén un diario de viaxe para que as persoas participantes compartan as súas reflexións sobre as lecturas e experiencias neste tema.
Entre as obras que garda a maleta atópanse títulos como “¿Hay algo más aburrido que ser una princesa rosa?”, de Raquel Díaz Reguera; “La cenicienta que no quería comer perdices”, de Nunila López e Myriam Cameros; “Todos deberíamos ser feministas”, de Chimamanda Ngozi; “Mi marido me pega lo normal”, de Miguel Lorente Acosta; “Cansadas”, de Nuria Varela; “El libro de la hija”, de Inma López Silva; ou “Rosalía Feminista”, de Helena González Fernández, entre outros títulos. Ademais, a maleta contén un diario de viaxe no que as persoas que participen no proxecto poderán escribir e compartir as súas reflexións sobre as lecturas.
Por outra banda, os Concellos polos que pasará a maleta poden engadir aqueles libros escritos ou protagonizados polas mulleres do municipio para visibilizar o talento e as historias das mulleres da provincia
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
