As dúas parcelas foron adxudicadas en Dereito de Superficie, o sistema impulsado pola actual xerente para facilitar a implantación de empresas nos parques empresariais de SEA
Santiago de Compostela, 6 de xullo de 2023. A xerente da sociedade pública “Suelo Empresarial del Atlántico” (SEA), Beatriz Sestayo, informou este mércores da adxudicación de dúas novas parcelas no parque empresarial de Mondoñedo, que suman unha superficie total de 3.770 metros cadrados.
A compañía adxudicataria foi Vicarli Loxística, coa que a xerente e o equipo de SEA mantiveron reunións durante os meses pasados, para informar das vantaxes do polígono de Mondoñedo e as distintas posibilidades existentes para o acceso ao chan.
Segundo precisou Beatriz Sestayo, a adxudicación das dúas parcelas realizouse en réxime de Dereito de Superficie, que foi impulsado “para facilitar a implantación de novas empresas, en polígonos nos que se detectaba unha menor actividade”.
Este sistema permite que as empresas sexan adxudicatarias do chan sen necesidade de compralo, a modo de alugueiro con opción a compra, por custos inferiores aos 1.000 euros anuais por parcela e coa posibilidade de adquirir, posteriormente, o chan, con descontos parciais nas cantidades abonadas.
O chan en Dereito de Superficie xa permitiu tamén atraer novas empresas a polígonos como os de Muros ou Vimianzo.
A compañía Vicarli é un operador loxístico especializado en servizos integrais para a industria, con sede en Huarte (Pamplona), e que prevé destinar o chan do polígono de Mondoñedo a tarefas vinculadas ao sector eólico.
Con esta nova operación pechada en Mondoñedo, “SEA” confirma os bos resultados deste exercicio de 2023, no que xa se adxudicaron 30 parcelas, en 9 parques empresariais, que suman máis de 85.000 metros cadrados e que supoñen un movemento económico de 3’8 millóns de euros.
Suelo Empresarial del Atlántico
“Suelo Empresarial del Atlántico”, dependente nun 83,44% do Ministerio de Transportes https://www.mitma.gob.es/ a través de Sepes, xestiona en Galicia 13 parques empresariais, que suman máis de 4 millóns de metros cadrados
Están situados nas provincias de Lugo -Monforte de Lemos, Mondoñedo, Chantada e Rábade—, da Coruña –Malpica, Vimianzo, Cee, A Laracha, A Pobra do Caramiñal, Muros e Rianxo— e de Pontevedra –Vilanova de Arousa e Catoira-.
Ao accionariado de “Suelo Empresarial del Atlántico”, S.L., S.M.E., tamén se incorporan a Xunta de Galicia e ABANCA.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
