Explica que a área sanitaria de Lugo foi premiada o ano pasado pola organización Desafío Climático no Coidado da Saúde por favorecer este tipo de actuacións
A Pastoriza, 9 de agosto de 2023. A Xunta destinará 181.100 euros á incorporación de enerxías renovables nos centros de saúde de Riotorto, Navia de Suarna e A Pastoriza, segundo confirmou hoxe o delegado territorial de Lugo, Javier Arias, durante unha visita a este último xunto co xerente da área sanitaria de Lugo, a Mariña e Monforte de Lemos, Ramón Ares.
O delegado explicou que estas actuacións forman parte dun investimento de 1,5 millóns de euros para dotar de caldeiras de biomasa a 11 centros de saúde galegos e de sistemas de aerotermia a outros tres. O contrato foi licitado hai uns días e o prazo de presentación de ofertas rematará o próximo día 22.
Este contrato materialízase a través dun acordo entre o Sergas e o Inega, dependente da Consellería de Economía, Industria e Innovación, que promove a través da Axenda Enerxética Galicia 2023 a integración de enerxías renovables en edificios públicos e facilita o seu cofinanciamento polo programa operativo FEDER Galicia 2017-2020, dentro da súa actuación de fomento das actividades asociadas ao ciclo de aproveitamento da biomasa térmica e outras tecnoloxías renovables na administración xeral da comunidade autónoma e no sector público autonómico.
Os centros de Lugo dotaranse de caldeiras de biomasa; contan cun orzamento de 59.600 euros para o de Navia de Suarna, 52.500 euros para o de Riotorto e 69.000 para o da Pastoriza.
Neste último instalarase un sistema de pellets de carga automática cunha potencia nominal de 64 kW e un depósito de inercia de 1000 litros, que almacenará enerxía para o circuíto de calefacción. A actual caldeira de gasóleo manterase como sistema auxiliar de apoio. Suporá unha redución do 94% do consumo de enerxía primaria non renovable e do 95% de emisións contaminantes de CO2. Nos outros dous centros a biomasa tamén sosterá o subministro de auga quente sanitaria.
Javier Arias destacou o esforzo que está a realizar o Goberno galego, e singularmente a Consellería de Sanidade, “para que as instalacións da Administración autonómica sexan modernas, eficientes e sostibles”. O Sergas aprobou en xuño a súa Estratexia de Economía Circular coa diminución do consumo de combustibles fósiles como unha das liñas de acción.
Ao respecto, o delegado lembrou que xa está construída a central de biomasa que atenderá as necesidades enerxéticas dos novos edificios proxectados pola Xunta no barrio da Residencia: o Centro Integral de Saúde, a residencia para persoas maiores, a aceleradora aeronáutica e a oficina de emprego e formación. A Consellería de Economía, Industria e Innovación investiu máis de 1,4 millóns de euros nesta obra.
Recoñecementos internacionais
Javier Arias subliñou que a sanidade galega “é unha referencia internacional na posta en marcha de accións para mitigar os impactos do cambio climático, utilizando a innovación e investindo nas súas instalacións para protexer ás persoas e ao planeta”.
Así, o pasado ano obtivo seis dos recoñecementos outorgados pola organización Desafío Climático no Coidado da Saúde -Health Care Climate Challenge-, de entre as 50 institucións de atención médica de máis de 15 países galardoadas. Un deles foi para a área sanitaria de Lugo, a Mariña e Monforte de Lemos polo seu compromiso coa instalación de enerxías renovables.
Entre as medidas destacadas figura o proxecto piloto Low Carbon no Hospital Lucus Augusti, que marca as actuacións de descarbonización de toda a rede sanitaria pública galega. Precisamente, este centro hospitalario foi galardoado na iniciativa “Os +10 Hospitais polo Programa de saúde de Glasgow” polo seu plan de xestión do carbono.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.