Lugo, 21 de setembro de 2023. O vicepresidente da Deputación de Lugo e deputado de Deportes Efrén Castro reiterou ao alcalde de Ribadeo Daniel Vega o compromiso, xa público, de financiar a renovación do hangar de piragüismo de Ribadeo.
A área de Deportes achegará 74.200 euros á renovación das instalacións municipais, asumindo case integramente o custe das obras de reforma e ampliación, orzamentado en 75.000 euros.
A Vicepresidencia da Deputación mantén así o acordo acadado co anterior goberno municipal e co Club Altruán, usuario das instalacións, que tamén conta co colaboración da área de Deportes para o desenvolvemento da súa actividade competitiva e de promoción do piragüismo
O proxecto de reforma e ampliación do hangar de piraguismo supuxo unha renovación integral das instalacións nas que se reforzou a estrutura construtiva, se compartimentou o almacén de piraguas e se instalaron vestiarios.
O alcalde, Dani Vega, fai unha valoración moi positiva do encontro mantido esta mañá co vicepresidente da Deputación de Lugo, Efrén Castro
Na xuntanza ambas administracións buscaron unha solución para o hangar de piragüismo.
O rexedor dixo que “a reunión que tivemos co vicepresidente da Deputación foi cordial, con espírito construtivo e con ganas de solucionar as cousas. Nos valoramos a xuntanza como moi positiva”.
Vega subliñou que “hai ganas de solucionar as cousas, hai ganas por parte do Concello tamén de xestionar e de que a Deputación siga colaborando con Ribadeo como veu facendo ata o de agora. A institución provincial tiña como obxectivo Ribadeo e agardo que siga con ese espírito construtivo e de colaboración económica. Por parte do Concello as portas abertas, dámoslles as grazas porque nos acolleran no día de hoxe, porque nos recibira o vicepresidente da Deputación e que tivésemos unha colaboración total e absoluta”.
O alcalde explicou que “o Concello tiña unha preocupación, que era o hangar de piragüismo, que se non lle buscábamos unha solución iamos ter un problema xurídico. Na mañá de hoxe encontramos esa solución, imos solucionar un problema que nos preocupaba e desde logo ese investimento realizado polo Concello de máis de 75.000 euros a Deputación de Lugo vai achegar o que acordou é dicir máis de 74.000 euros. Iso quere dicir que o Concello so terá que poñer 800 euros. Iso é o que se debe facer colaboración entre as administracións. Cada un ten a súa ideoloxía, pero iso non debe confundir nin desvirtuar unha xuntanza, senón todo o contrario, entendernos para servir ás nosas veciñas e veciños, traballar a favor de Ribadeo neste caso”.
Dani Vega indicou que “tamén lle trasladamos outras propostas, que estudarán. Eu creo que as van colaborar. Teño toda a fe e toda a esperanza en que a Deputación siga mantendo a mesma colaboración económica, que viñan facendo ata o de agora con Ribadeo”.
Insistiu en que a reunión de hoxe foi positiva: “na que houbo unha colaboración absoluta e a partir de aí ten que haber máis colaboración e máis xuntanzas coa Deputación de Lugo, que iremos solicitando co paso do tempo”.
O BNG de Ribadeo agradece á Vicepresidencia da Deputación de Lugo o compromiso co financiamento das obras
O voceiro municipal Pablo Vizoso puxo en valor o traballo feito “polo anterior goberno municipal nun proxecto para o que atopamos a plena colaboración da Vicepresidencia da Deputación de Lugo e que permitiu a renovación completa destas instalacións, fundamentais para o piraguismo ribadense.
Pablo Vizoso remarcou que a Vicepresidencia da Deputación de Lugo asumirá a práctica totalidade do investimento, 74.200 dos 75.000 euros destinados ao proxecto de reforma e ampliación do hangar, no que se instalaron vestiarios, se renovou a zona de almacén das embarcacións e se fixeron diversas melloras para impermeabilizar o edificio.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
