Foz, 14 de setembro de 2023. O Concello de Foz continúa coa recomendación de non inxerir auga da traída municipal pero a saída da potabilizadora xa mostra valores baixos de trihalometanos.
A alcaldesa en funcións, Inés López Couto, informa que despois dos traballos realizados os resultados das mostras tomadas este martes á saída da ETAP de Fazouro confirmaron que a auga potabilizada nas instalacións cumpre con todos os parámetros de calidade marcados na normativa. “As mostras de auga tomadas á saída da potabilizadora este martes mostran uns valores de trihalometanos por debaixo dos 20 µg/l cando o límite é de 100. Sen embargo os resultados das mostras tomadas en distintos puntos da rede aínda superan ese límite. Podemos ver que a evolución respecto das anteriores mostras é moi favorable, polo que agardamos que unha vez se renove a auga na rede de distribución todos os valores serán correctos. Con esta tendencia, falamos máis de días que de semanas”, explica a rexedora.
Ademais da substitución dos filtros de area por unha arlita especial, que supón unha inversión de máis de 53.000 euros e que xa está en fabricación, da intensificación das tarefas de mantemento na rede de distribución e da modelización do potencial de xeración de trihalometanos no sistema que está en proceso, a vindeira semana comezarán a implantarse as seguintes actuacións de mellora:
Mellora na regulación do caudal de entrada de auga bruta á potabilizadora.
Nova automatización da dosificación de reactivos na planta potabilizadora.
Medición en continuo de parámetros de calidade da auga na planta de tratamento.
Medición en continuo de parámetros de calidade da auga nos depósitos de cabeceira de Fazouro e automatización da dosificación de reactivos no depósito.
“Pedimos de novo desculpas polas molestias. Estamos a traballar de forma moi intensa para solucionar un problema que se alarga demasiado no tempo”, remata Inés López.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
