Ribadeo, 21 de setembro de 2023. Os días 23 e 24 de setembro terá lugar a primeira edición de Baños de Mar, que organiza o Concello de Ribadeo. Haberá charla, visita guiada, xantar campestre e moitas outras actividades, que foron presentadas pola edil de Turismo, Marta Saiz.
A concelleira ribadense dixo que “dentro das actividades de SetembroXNatural presentamos a vindeira fin de semana a primeira edición de Baños de Mar Canouras pioneiras do turismo. O mar como fonte de saúde e de vida, como xerador recursos, como fío da nosa historia e como orixe da nosa riqueza”.
Saiz contou que “as actividades desenvolveranse durante toda a fin de semana. O sábado, 23 de setembro, ás 11:30 horas na Casa da Cultura terá lugar unha conferencia a cargo de Rafa Quintía, que falará sobre hidroterapia, talasoterapia e o culto asociado ás augas na cultura galega. A partir da unha tarde teremos un baño relaxante e colectivo na praia do Cargadoiro, que nos deixará frescas e frescos a todas e a todos”.
A edil de Turismo seguiu a relatar que “xa o domingo, 24 de setembro, ás 11:30 horas no Campo de San Francisco arrincará unha visita guiada Canouras, pioneiras do turismo, a cargo de Noemí Díaz Orol, informadora turística de Ribadeo. Para participar é preciso facer unha reserva previa. Á unha novo baño de mar colectivo na praia do Cargadoiro. E a partir das dúas da tarde un xantar campestre. Despois ás tres empezarán actividades como baile, música e monicreques, contaremos tamén cun espectáculo de narración oral e outro de circo e tamén un concerto”.
Marta Saiz engadiu que “son un sinfín de actividades para un público familiar e non hai disculpas para non asistir. Animádevos a participar, só e necesario o interese polo noso pasado, o bañador, a toalla, un manteliño, un xantar campestre e moitas ganas de relaxarse e de pasalo ben. Disfrutemos de setembro, do noso mar, da nosa terra e das actividades que con moito respecto, coidado e agarimo temos preparadas para o voso disfrute”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
