O Grupo Municipal Popular pide que a alcaldesa esixa ao Goberno de Sánchez a finalización das obras antes de que remate o ano
Burela, 27 de setembro de 2023. Os concelleiros do Grupo Municipal Popular de Burela pedirán que o Pleno se pronuncie durante a sesión deste xoves sobre os atrasos na obra do “socavón da vergoña” na N-642 á entrada da vila e tamén sobre a retirada de vehículos abandonados nas rúas de Burela.
Os populares instarán á alcaldesa a dirixirse ao Goberno central para esixir a finalización das obras antes do remate deste ano 2023 “tendo en conta o tremendo atraso que leva a execución das obras e polos prexuízos que causa aos nosos veciños e ao noso municipio”.
“A obra sen rematar á entrada de Burela reflicte unha pésima imaxe, de forma similar aos vehículos abandonados nas vías públicas, expoñen dende o PP local. De feito, “son numerosos os veciños e veciñas que se queixan da falta de exemplaridade do Concello de Burela á hora de xestionar cuestións tan básicas coma a retirada dos vehículos que levan meses e, nalgún caso anos, abandonados nas vías e aparcamentos públicos do Concello de Burela que son, única e exclusivamente de xestión municipal”.
Os concelleiros do Partido Popular advirten de que “esta situación non é nova e xa se instou no mandato anterior ao anterior goberno local a realizar as xestións pertinentes sen que nin o anterior nin o actual goberno cumpriran”.
É por iso polo que o Grupo Municipal Popular pedirá no pleno que se proceda á inmediata notificación e -posteriormente, no seu caso, a denunciar- por parte da Policía Local, de todos aqueles vehículos que están en situación de abandono por parte dos seus donos nos lugares públicos de titularidade ou xestión municipal, entendendo por tal situación cando un vehículo permaneza estacionado no mesmo lugar público, con claros signos de deterioro, por un período superior a 6 meses.
Igualmente, coa súa iniciativa propoñen que se proceda á retirada municipal de todos aqueles vehículos que, trala preceptiva denuncia e o período hábil de comprobación de 30 días, no foran retirados polos seus donos. “E que todo iso se leve a cabo antes do último pleno ordinario do presente ano en curso”.
INICIATIVA CONTRA UNHA LEI DE AMNISTÍA
O Grupo Municipal Popular de Burela tamén defenderá unha iniciativa para rexeitar calquera tipo de amnistía ou indulto xeneralizado para calquera grupo de cidadáns, calquera sexa o seu delito; considerando tamén que o imperio da lei é a expresión da vontade popular, tal e como establece o preámbulo da Constitución, e compromete a todos os poderes para o seu cumprimento.
Os populares animan a través desta iniciativa aos dous partidos maioritarios a buscar acordos de Estado que eviten que a sociedade española se vexa sometida ás condicións ilegais de partidos independentistas.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
