Ribadeo, 18 de setembro de 2023. Hoxe rematou o obradoiro de emprego Vilas Coidadoras. Durante 12 meses vinte persoas de Ribadeo e de Barreiros recibiron formación en dúas especialidades. O alcalde, Dani Vega, subliñou que “seguiremos apostando polos obradoiros de emprego apegados á realidade”.
O rexedor contou que “remataron 12 meses de traballo e de formación. Vinte alumnos estiveron formándose, porque desde os Concellos de Ribadeo e de Barreiros estamos empeñados en que a formación é clave para lograr a empregabilidade, para ese emprego de calidade e nosoutros seguiremos apostando polos obradoiros de emprego”.
En Vilas Coidadoras participaron vinte persoas, 10 por cada especialidade, Dinamización, Programación e Desenvolvemento de Actividades Culturais e Atención Sociosanitaria para Persoas Dependentes en Institucións Sociais.
Dani Vega sinalou que “os Concellos de Ribadeo e de Barreiros cremos que apostar polos obradoiros de emprego que teñan unha saída laboral é o futuro. Vamos seguir apostando polos obradoiros pegados á realidade, pegados ao tecido económico e social, pegados aos sectores estratéxicos claves nos municipios. É dicir obradoiros reais e pensando nesas familias profesionais que teñen grandes carencias de traballadores, falamos de electricistas, de carpinteiros… de tantas familias profesionais que hoxe teñen moita dificultade para atopar man de obra e desde logo os obradoiros teñen que ser reais, non pensando desde un punto de vista utópico, senón na realidade que estamos a vivir no día a día”.
Para o alcalde de Ribadeo “investir 553.000 euros en formación é garantirlle a moitas persoas unha saída laboral e unha saída para que estes concellos teñan futuro”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
