A Xunta puxo en servizo o treito Celeiro-San Cibrao, cun investimento de 50 M€, e a Variante de Ortigueira, coa mobilización doutros 50 M€, e está supervisando o proxecto do treito entre a AG-64 e Sanguiñeira
Santiago de Compostela, 18 de outubro de 2023. A Xunta lembra que o bloqueo da autovía da Mariña, a A-74, por parte do Goberno de España, está a dificultar a funcionalidade do treito da VAC da Costa Norte executado polo Executivo autonómico, así como a mellora da accesibilidade dos concellos desta área.
O director da Axencia Galega de Infraestruturas, Francisco Menéndez, indicou na Comisión 2ª do Parlamento que a VAC da Costa Norte que está a impulsar a Xunta ten como obxectivos mellorar a accesibilidade das comarcas da Mariña, Ortegal e Ferrolterra e unha alternativa para o tráfico de longo percorrido.
Explicou que a infraestrutura autonómica non pode acadar estes obxectivos sen a autovía da Mariña, que depende do Estado, e sen a variante de Viveiro, cuxa execución na configuración aprobada non foi apoiada polo Concello.
Lamentou que pese as reiteracións da Xunta, o Executivo non avance na A-74, que vertebraría A Mariña desde San Cibrao, en Cervo, cara a Barreiros, onde entronca coa A-8.
Apuntou que esta autovía estatal non ten ningún quilómetro en servizo nin existen previsións para a súa execución, xa que os Orzamentos Xerais do Estado para 2023 só recollen partidas simbólicas e eliminan as proxeccións plurianuais que estaba nos Presupostos de 2018.
Francisco Menéndez censurou que o Goberno, que reservou o 78% dos Fondos Next Generation para actuacións propias no eido da mobilidade, non permitise a aplicación destes fondos neste tipo de infraestruturas estratéxicas, e lembrou que o Executivo central excluíu actuacións como a citada vía de altas prestacións ou a mellora da rede de estradas de Ferrolterra, Ortegal e A Mariña dos fondos europeos do Plan de Recuperación e Resiliencia.
O director da Axencia Galega de Infraestruturas incidiu, ademais, na dificultade de avanzar no treito da Variante de Viveiro da VAC Costa Norte por mor da oposición do Concello, primeiro á inclusión do enlace de Magazos no trazado para garantir a súa funcionalidade e, despois, á proposta da Xunta de construír unha nova ponte sobre a ría, evitando o rodeo da variante proxectada.
Francisco Menéndez lembrou que, en plena crise económica, a Xunta puxo en servizo o treito entre Celeiro e San Cibrao, grazas a un investimento de 50 M€, e tamén a Variante de Ortigueira, coa mobilización doutros 50 M€, e está supervisando o proxecto do treito entre a AG-64 e Sanguiñeira.
Mellora das estradas autonómicas
O director da Axencia Galega de Infraestruturas explicou que para reforzar a accesibilidade das citadas comarcas, ademais da execución da VAC da Costa Norte, tamén é necesaria a mellora das estradas autonómicas na área.
Neste sentido, destacou que a Xunta xa acometeu o acondicionamento da estrada AC-100, en Mañón; da AC-566, en Valdoviño; ou da AC-110 nas Somozas.
Remarcou que o Goberno galego tamén rematou a primeira fase de mellora da AC-862, que comunica Ortigueira con Ferrol, e ten en plena execución a segunda fase, á que destina un orzamento de 15 M€.
Indicou que tamén se está a avanzar na tramitación do proxecto de acondicionamento da LU-540 entre Viveiro e Cabreiros, máis coñecida como a estrada da Gañidoira, que suporá un investimento total por parte da Xunta de preto de 14 M€, e que mellorará a conexión da Mariña lucense coa cidade de Lugo.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
