Foz, 27 de outubro de 2023. O alcalde de Foz, Fran Cajoto, mantivo onte, xoves, en Santiago unha reunión de traballo co director de Portos de Galicia, Roi Fernández Añón. Na xuntanza, de carácter técnico, participaron tamén a xefa da Área de Explotación e Planificación de Portos, Sabela Calzadilla, e a técnico de Medio Ambiente do Concello de Foz. Trataron asuntos como a cesión de terreos portuarios que hai no municipio e a ampliación de Porto Chico, entre outros temas.
Fran Cajoto explica que “a reunión, celebrada a petición do Concello de Foz, permitiu avanzar no convenio a tres bandas que o Concello debe asinar con Portos de Galicia e Augas de Galicia para a construción do novo tanque de tormentas da futura depuradora en terreos portuarios. Solicitámoslle a Portos incluír no convenio a conservación da nave da actual depuradora. Sería unha mágoa demolela porque está en bo estado e o Concello precisa de espazos para os servizos que presta. A propia Protección Civil necesita un centro operativo, cun sitio axeitado para gardar a cuberto a lancha pneumática. Teño que agradecer a boa disposición que tivo o director para ter estas necesidades en conta”.
Ademais o Concello de Foz demandoulle a Portos de Galicia axilidade no cumprimento do convenio asinado coa FEGAMP no ano 2021, polo que os espazos portuarios que actualmente non teñen actividade náutica serían cedidos aos concellos a través da Dirección Xeral de Costas. “Co cumprimento do convenio evitaríamos o elevado pago (máis de 120.000 euros ao ano) que o Concello debe aboar a Portos de Galicia. Falamos tamén do estacionamento de autocaravanas e da necesidade de ordenalo. O compromiso é traballar para intentar definir uns tempos máximos de estacionamento nun espazo ben delimitado e cunha contraprestación por uns servizos que mellorarían para os visitantes”, comentou o rexedor municipal.
Respecto á ampliación do peirao de Porto Chico, Cajoto indica que “os orzamentos da Xunta para o vindeiro ano 2024 unicamente prevén 25.000 euros, que se investirán nun proxecto básico. Demandámoslle ao director de Portos formar parte da redacción dese proxecto, xa que é unha área moi sensible, de paseo, e hai que compatibilizar a ampliación da dársena cun vial máis cómodo para os vehículos e unha senda máis ampla e segura para os peóns. En calquera caso o investimento para o 2024 nun proxecto desta envergadura é moi pequena, diría que decepcionante, polo que non prevemos avances significativos”.
Outros temas que se trataron foi o estudo da consolidación do valado no Camiño do Curbeiro (estacionamento de Valle Inclán), a prolongación da varanda en toda a lonxitude da explanada portuaria e a conservación do mural da Fábrica de Xeo. “Sabemos da importancia que ten o Mural das Pescantinas na nosa vila e solicitamos por escrito a súa conservación no ano 2020. A intención do Concello é trasladalo cando se demola a fábrica”, explicou o alcalde.
O Concello de Foz tamén requiriu ao director de Portos o arranxo do firme na explanada portuaria, que se encontra en pésimo estado. “Trasladounos que se vai a facer unha tripla rega asfáltica sobre base de macadam. Arranxar o firme da explanada debe ser unha prioridade, agora mesmo é un perigo”, manifesta Fran Cajoto.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
