Ribadeo, 23 de outubro de 2023. O salón de plenos acolleu o acto de sinatura dos convenios entre o Concello e os clubs deportivos locais. A partida destinada a este fin é de máis de 120.000 euros. Ao acto asistiron o alcalde, Dani Vega, e o concelleiro de Deportes, Francisco José Silvent.
O rexedor subliñou que “o Concello de Ribadeo inviste no seu deporte máis de 120.000 euros, unha cantidade importante, que seguramente que para as entidades non é suficiente, pero saben perfectamente que estamos a facer un grande sacrificio, un gran respaldo económico e tamén apoio técnico”.
Para Dani Vega “o primeiro que debemos facer desde o Concello, desde a responsabilidade, é dar as grazas a todas as entidades deportivas: facedes grande Ribadeo, cada día máis grande, e sentímonos orgullosos de todos os nosos deportistas. E hai que seguir apoiándoos”.
O alcalde manifestou que “desde un punto de vista orzamentario imos seguir apoiándovos e desde un punto de vista técnico tamén. Hai que resaltar o grande traballo que fai Iván, que é o noso técnico de Deportes, un traballo moi importante que ás veces non sabemos valorar, pero que sen el sería imposible que isto se coordinara tan ben. E tamén quero felicitar a Silvent, ao concelleiro, porque con Iván se coordinan perfectamente e están sacando as cousas para adiante, que é o importante”.
Vega dixo: “investimos máis de 120.000 euros e seguiremos desde o Concello incrementando esa cantidade orzamentaria, dentro das nosas posibilidades. E o que hai que destacar o grande traballo que estamos a realizar desde o Concello de Ribadeo”.
O concelleiro de Deportes declarou que “desde o Concello de Ribadeo apoiamos e seguiremos apoiando aos nosos clubs e asociacións deportivas de diversas modalidades como fútbol, fútbol sala, baloncesto, atletismo, remo, piragüismo ou hockey, entre outras”.
Silvent explicou que “nestes momentos asinamos os convenios cos que apoiamos economicamente aos clubs, pero tamén queremos destacar que tentamos axudar a todos os clubs en calquera problema que lles xurda diariamente”.
O concelleiro de Deportes dixo que “desde o Concello abrimos as portas a calquera modalidade deportiva que aumente a grande oferta que temos no noso pobo”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
