Foz, 25 de outubro de 2023. O alcalde de Foz, Fran Cajoto, xunto aos rexedores de Trabada e Ribadeo, mantivo hoxe, mércores, unha reunión en Santiago co conselleiro de Medio Rural, na que lle trasladou distintas propostas para unha mellor xestión do monte e de prevención fronte ao lume.
Fran Cajoto explica que “A Mariña, xunto ao norte da Coruña, é o principal centro produtor de eucalipto de España. Os montes son a hucha de moitas familias e debemos coidalos. Estes incendios foron un aviso de que hai que mellorar a xestión e facelo con urxencia”.
O alcalde de Foz defende unha profesionalización do servizo de prevención e defensa contra o lume: “as competencias en montes e aproveitamentos forestais é da Xunta de Galicia. O modelo de convenios cos concellos para crear brigadas municipais con persoas en paro durante dous ou tres meses quedou desfasado; non resulta atractivo un traballo unicamente para dous meses e as prazas quedan desertas”. O rexedor focego aposta por máis persoal e máis profesionalizado, contratado directamente pola Xunta de Galicia. “Os incendios na Mariña foron en outubro. Precisamos de persoal profesional e contratado todo o ano que en momentos de baixo risco de incendios faga tarefas de prevención, como desbroces ou acondicionamento de depósitos de auga”, engade Cajoto.
O alcalde reclama tamén a presenza de motobombas e persoal suficiente repartidas no territorio: “en Foz permanece de garda unha motobomba de Medio Rural en dependencias municipais do parque empresarial de Fazouro. Agardamos que non se suprima cando se remate a base BUO que está a construír a Axencia Galega da Industria Forestal”. Tamén ve necesario recalcular os medios de extinción tras estes incendios e que a Xunta asine un convenio co Principado de Asturias: “ao incendio de Foz acudiron medios de toda Galicia, de sitios tan distantes como Lalín. Sen embargo medios do Principado, que están moito máis próximos non se achegaron: debemos superar as barreiras administrativas cando estamos nun mesmo Estado como é España. Un convenio entre as dúas comunidades autónomas sería moi beneficioso para unha comarca coma a nosa”.
Ademais, Fran Cajoto reclama un estudo “para analizar a mellora e ampliación dos depósitos, hidrantes e puntos de captación do distrito e definir camiños principais ou prioritarios para zonificar os montes e que sirvan de cortalumes. Hai outros aspectos da xestión forestal como a dos puntos de carga de madeira que non podemos esquecer, para que a actividade da saca de madeira non prexudique aos veciños da zona. Pedimos investimento real, que os mapas de franxas de protección se completen coas vivendas illadas. Falamos do papel fundamental que tiveron na extinción dos incendios de Foz as cisternas dos gandeiros da zona e o conselleiro avanzou a intención de incluílas nos operativos dunha forma máis profesional, con comunicación directa cos postos de mando, para evitar riscos. Tamén se programarán desde a Consellería xornadas informativas nos concellos afectados para informalos e asesoralos na venta da madeira queimada e na repoboación dos montes”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
