Conta cun orzamento de 531.000 euros e proporcionará traballo e formación durante un ano a 20 persoas en actividades relacionadas coa xardinaría
Cervo, 23 de novembro de 2023. A Xunta de Galicia inaugurou hoxe a décima edición do obradoiro de emprego “Sendas de Burela, Cervo e Xove”, promovido polos citados concellos e financiado pola Consellería de Promoción do Emprego e Igualdade con 531.000 euros.
O delegado territorial de Lugo, Javier Arias, lembrou que recentemente rematou a novena edición, cun orzamento similar, e destacou que en conxunto supoñen oportunidades laborais para 40 persoas desempregadas -20 en cada caso- “que atopan nestas iniciativas unha vía para reorientar a súa traxectoria profesional cara a especialidades con demanda no mercado laboral”.
Os alumnos son contratados durante un ano e reciben coñecementos teóricos e prácticos ao tempo que realizan obras e servizos de interese xeral. En concreto, o novo proxecto céntrase nas actividades auxiliares en viveiros, xardíns e centros de xardinería, e os participantes traballarán no mantemento e mellora medioambiental de espazos públicos e zonas verdes.
18 novos proxectos
Arias explicou que durante estas semanas están a iniciarse na provincia 18 novos obradoiros duais de emprego, que suman un investimento de 9,5 millóns de euros, implican a 50 concellos e incorporarán a 360 persoas como alumnos traballadores, ademais do persoal directivo e monitores das distintas especialidades.
Concedéronse incentivos á contratación para máis do 40% do alumnado, co fin de impulsar a súa integración en empresas locais durante un mínimo de tres meses unha vez que rematen o período formativo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
