O director do Instituto de Estudos do Territorio fixo entrega destes distintivos, que no caso de Burela recibe por primeira vez e no de Mondoñedo, por terceira
Burela, 22 de novembro de 2023. A Xunta entregou hoxe a Bandeira Verde de Galicia tanto ao Concello de Burela como ao de Mondoñedo para recoñecer a súa aposta polas boas prácticas ambientais e de protección e conservación da paisaxe coa posta en marcha de distintas iniciativas con esta finalidade.
O director do Instituto de Estudos do Territorio (IET), Enrique de Salvador, lembrou que no caso de Burela é a primeira vez que recibe este recoñecemento grazas a accións centradas na recuperación e valorización de residuos mariños, a habilitación de composteiros domésticos, a instalación de enerxía fotovoltaica para autoconsumo na Casa do Concello, a planificación e deseño de hortos urbanos, o Plan de acción para o clima e a enerxía sostible ou a substitución do alumeado público por tecnoloxía LED.
No caso de Mondoñedo, obtén o distintivo por terceiro ano consecutivo froito de numerosas actuacións responsables como, entre outras, a aposta pola compostaxe, a celebración de obradoiros de reciclaxe, a instalación de colectores para bolsas de biorresiduos ou accións para mellorar a eficiencia enerxética do alumeado público exterior no casco histórico da localidade.
As bandeiras verdes son un distintivo creado pola Xunta de Galicia en 2020 para dar visibilidade ao esforzo que as entidades locais realizan na aposta por boas prácticas para ordenar o territorio, protexer o medio ambiente e a paisaxe; para afrontar o cambio climático e mellorar a eficiencia enerxética; para xestionar de xeito responsable os residuos municipais e para sensibilizar a cidadanía nesta materia.
A concesión deste recoñecemento supón ademais un mérito para a obtención de subvencións en materia de patrimonio natural ou -como novidade desta edición- para recibir axudas autonómicas relacionadas coa xestión dos residuos a través de actuacións como a construción e mellora de puntos limpos fixos, a implantación de instalacións móbiles ou o impulso de proxectos de preparación para a súa reutilización.
Estes distintivos mostran o compromiso dos concellos coa protección do medio ambiente e coa xestión sostible dos recursos, unha cuestión coa que as entidades locais están cada vez máis comprometidas. De feito, desde 2020 o número de bandeiras entregadas foi aumentando de xeito constante ao pasar das tres aprobadas nesa primeira edición ás 18 concedidas este ano.
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
