A rexedora, a edil de Medio Ambiente, o concelleiro de Zona Rural, e o presidente de Sogama, foron testemuñas desta primeira recepción nestas instalacións que supuxeron un investimento próximo aos 6,4 millóns de euros
Cervo, 8 de novembro de 2023. O Concello de Cervo foi o primeiro municipio en estrear a planta pública de biorresiduos situada no Polígono Industrial de Cuíña, e que dará servizo a outras 14 localidades da bisbarra.
A rexedora, Dolores García Caramés, a concelleira de Medio Ambiente, Manuela Méndez Álvarez, o edil de Zona Rural, Adrián Arias e o presidente de Sogama, Javier Domínguez Lino, foron testemuñas este mércores desta primeira entrega de materia orgánica na instalación por parte do servizo municipal de recollida de lixo.
Neste senso, cabe recordar que o Concello de Cervo puxo a disposición da veciñanza preto dunha vintena de colectores marróns, instalados en puntos estratéxicos do municipio, co obxectivo de facilitarlle a reciclaxe da materia orgánica que xeren nos seus fogares, tal e como vén establecido polas directivas europeas que están a marcar este rumbo.
As persoas interesadas en participar neste “exercicio de corresponsabilidade” poden cubrir a súa solicitude na Casa do Concello ou na Casa da Cultura, e recibirán unha chave para facer un uso responsable e individualizado dos colectores marróns, ademais dun colector de materia orgánica e bolsas de lixo 100% compostables, de agasallo para este fin.
A rexedora fixo un chamamento á veciñanza para que recicle a materia orgánica, e tivo un agradecemento especial para aqueles veciños que estrearon os colectores que nos permiten ser pioneiros na utilización desta planta de biorresiduos equipada con innovadores sistemas de depuración de augas e de aire, así como de control do nivel de ruído, que é autosuficiente desde a dimensión enerxética ao estar alimentada por enerxías renovables, concretamente con paneis solares, contribuíndo desta forma á loita contra o cambio climático.
A planta, cun investimento próximo aos 6,4 millóns de euros acolle todo o proceso de compostaxe -pretratamento, fermentación, maduración e almacenamento- e dispón de capacidade para tratar 3.000 toneladas anuais de materia orgánica, ademais de 1.600 toneladas de material estruturante (podas e restos de madeira), estimando unha produción de 1.500 toneladas de compost, cuxo destino será fundamentalmente a agricultura e a xardinería, en substitución dos fertilizantes artificiais.
Desde o Concello de Cervo recordan que está en marcha a campaña informativa “Súmate ao Marrón, ten moita vida”, co obxectivo de achegar á veciñanza toda a información relativa á reciclaxe da materia orgánica e de promover o uso do novo contedor “que é unha das engrenaxes chave da economía circular para valorizar gran parte do lixo que xeramos nos nosos fogares”
Neste senso, o Concello de Cervo xa fixo chegar aos fogares cervenses días atrás un folleto explicativo, no que se detalla polo miúdo sobre plano os lugares do municipio nos que se sitúan os contedores marróns dentro do termo municipal.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
