Viveiro, 3 de novembro de 2023. Traballadoras e traballadores de Gadis concentráronse este venres diante do Hiper Gadis de Viveiro para reclamar a readmisión de varios compañeiros e compañeiras despedidas en represalia pola súa intención de presentarse nas candidatuas de CIG e CCOO. Na protesta, convocada por ambas centrais, demandouse o cese inmediato destas prácticas antisindicais e que se respecten as liberdades e dereitos das e dos traballadores.
Para o secretario comarcal da CIG-Servizos de Lugo-A Mariña, Xoán Díaz, a decisión de Gadis está directamente relacionada co feito de non ter asinado o convenio colectivo de alimentación de Lugo, ao que se chegou despois da patronal manobrar por atrás con UGT e USO, pero que non responde ás reivindicacións do conxunto do persoal, xa que o segue deixando como o convenio sectorial máis baixo das catro provincias.
Hai que lembrar ademais que, por primeira vez, as asembleas de traballadoras/es apostaran ás claras pola mobilización e a convocatoria de folga para reclamar melloras salariais e laborais; protagonizando unha manifestación multitudinaria o 18 de xuño polas rúas de Lugo na que amosaron o seu malestar co “trato que Gadis ten cara ao seu persoal”. Unha resposta social que non gustou nada á empresa.
“Todo isto vese reflectido agora nas eleccións sindicais, onde se poñen problemas, trabas e paus nas rodas de quen quere presentarse polos nosos sindicatos, para dar unha nova voz a todas as persoas que queren un cambio na representación sindical actual”, subliñouse na concentración deste venres. Díaz apunta que das dúas persoas despedidas no Hiper Gadis Viveiro (con comité propio) “un era público e notorio que se ía presentar pola CIG e outro o mesmo pero por CCOO”. A estes dous despedimentos, súmanse outro no Gadis de Barreiros (que afecta a un candidato de Comisión para o comité provincial) e outra traballadora en Lugo afín á CIG.
Por iso, na concentración de hoxe advertiuse que se emprenderán todas as accións legais oportunas para defender a compañeira e os compañeiros despedidos e conseguir a súa readmisión, e que se levarán adiante as mobilizacións necesarias.
Neste sendo, denunciouse que Gadis presume de ser a empresa máis grande dentro do sector da alimentación, “pero é moi pequena á hora de permitir a liberdade de expresión e a liberdade sindical”. O secretario comarcal da CIG-Servizos valorou que a empresa quere amedrentar o persoal de cara ás eleccións polo que “non imos consentir este tipo de actuacións que de nada lle van valer a empresa se hai vontade entre as traballadoras e os traballadores de cambiar a correlación de forzas, coa vista posta na seguinte negociación do convenio”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
