A pobreza ten hoxe moitos rostros. Refírese a todas as realidades de vulnerabilidade e exclusión, de sufrimento e dependencia, de inxustiza e fraxilidade que existen ao noso ao redor. Por desgraza, nunca está lonxe de nós. Entre estes rostros dos pobres están os que non teñen o necesario para levar unha vida digna, aqueles que carecen de medios económicos básicos. Pero tamén os que teñen que fuxir dos seus países para non seguir sometidos á pobreza, á violencia, á guerra ou á fame; os que sofren abusos e violencia, especialmente as mulleres; as persoas que sofren adiccións; o mundo do cárcere e do senfogarismo; as vítimas de trata, da explotación e do racismo; as minorías excluídas ou os anciáns abandonados; os traballadores que non ven recoñecido o seu dereito a un traballo digno; as persoas, especialmente novas, que sofren unha pobreza espiritual porque se atopan sós ou non descobren sentido á súa vida, nin atoparon ao Deus “amigo da vida”…
Son rostros de persoas concretas, veciños nosos que habitan nas nosas mesmas cidades e aldeas. Nunha sociedade profundamente desigual e individualista, que acrecenta escandalosamente as diferenzas económicas e sociais, que busca asegurar o benestar e silenciar o que poida desasosegar a nosa plácida comodidade, por que fixarnos hoxe nos pobres e poñelos no noso punto de mira? Por que, como nos convida sabiamente a Escritura, non debemos apartar o noso rostro do pobre? Ten sentido dedicar, como fai a Iglesia, unha xornada para fixarnos nos pobres?
Para os cristiáns, a resposta a estas preguntas vai máis aló da necesaria solidariedade que aniña no corazón de todo ser humano. Non se trata tampouco dun xesto de puro altruísmo nin de xustiza que xorde da urxencia de construír sociedades centradas na persoa. Para os cristiáns, na nosa relación cos pobres atópase a esencia e o contido central do Evanxeo. Como nos lembra o papa Francisco, “estamos chamados a descubrir a Cristo neles, a prestarlles a nosa voz nas súas causas, pero tamén a ser os seus amigos, a escoitalos, a interpretalos e a recoller a misteriosa sabedoría que Deus quere comunicarnos a través deles”.
En efecto, os pobres son esa próxima e andante “tenda do encontro”, como a que utilizaba Moisés no deserto, para atoparse co mesmo Deus. E ao atoparnos con Deus saberemos mellor quen somos. O libro do Éxodo dinos que, cando acudía a esta tenda, o seu rostro transformábase naquel lugar sacro penetrado pola súa presenza. Da mesma maneira, nos pobres os crentes atopámonos co propio Xesús que con eles se identifica. Por iso, a opción polos pobres non é arbitraria, senón consecuencia de nosa mesma fe cristolóxica.
Durante esta semana tiven a sorte de visitar diferentes realidades e entidades que están preto destas periferias humanas. Agradezo e recoñezo o seu empeño por escoitar, acoller, visibilizar, axudar a tantas persoas. Como di o papa Francisco, “o interese polos pobres non se esgota en esmolas apresuradas, esixe restablecer as xustas relacións interpersoais que foron afectadas pola pobreza”. Nese sentido, todo esforzo é pouco por facer unha sociedade máis inclusiva, xusta e acolledora que traballe polos dereitos de todos. Xunto a iso, a proximidade aos máis pobres hanos de levar ao don e o compromiso de vivir a pobreza e de servir aos pobres.
A Xornada Mundial dos Pobres interróganos a todos, pero especialmente aos cristiáns. Nese sentido, parécenme interesantes estas palabras de Francisco que critica aos “cristiáns que comentan, debaten e expoñen teorías, pero non coñecen polo seu nome nin sequera a un pobre, non visitan un enfermo desde hai meses, non deron para comer ou vestiron a ninguén, nunca estreitaron amizade cun necesitado esquecendo que o programa do cristián é un corazón que ve”. Este ha de ser o noso empeño.
O voso irmán e amigo.
Fernando García Cadiñanos
Biispo de Mondoñedo-Ferrol
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
