A charla sobre o programa piloto para a entrada en servizo do novo colector de recollida de biorresiduos terá lugar no salón de plenos e comezará ás 11:00 horas
Burela, 29 de novembro de 2023. O Concello de Burela está a preparar a implantación do contedor marrón de lixo a través dun programa piloto para o que quere contar cos hostaleiros como parte activa. Con esa fin, este venres, 1 de decembro, celebrarase unha reunión no salón de plenos á que están invitados todos integrantes do sector. O encontro está programado para as 11:00 horas.
O goberno local anima aos reponsables deste tipo de negocios a participar na recollida separada da fracción orgánica, xa que se trata dunha parte importante dos residuos que xeran. Dentro do plan para a entrada en servizo do novo colector, aspira a contar coa colaboración de hostaleiros que teñan interese en participar de xeito voluntario, e confía en que os establecementos se sumen de maneira maioritaria. Por ese motivo, a Administración local tratará de ofrecer, na medida do posible, un servizo adaptado ás necesidades de cada un deles.
A presenza de impropios (lixo doutra orixe) na fracción orgánica constitúe un problema para a calidade do compost que se vai elaborar a partir dos biorresiduos. Trátase dun dos condicionantes fundamentais para a súa recepción na planta de Cervo. Co fin de reducir os anteditos impropios, os colectores están dotados dunha pechadura mecánica. Ás persoas que participen de xeito voluntario no programa piloto entregaráselles unha chave, ademais de bolsas biodegradables.
O Concello de Burela lembra que o obxectivo de avanzar na economía circular e contribuír aos Obxectivos de Desenvolvemento Sostible relativos ao desperdicio alimentario non só obedece ao seu compromiso co medio ambiente, senón tamén a cuestións de carácter normativo. Así, confía en contar co compromiso de toda a hostalería na implantación das novas recollidas separadas.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Actuarán Carlos Ares, Celia Becks, Futuro Alcalde e Alcalá Norte, e o sábado será a quenda de La M.O.D.A., Ángel Stanich, Puño Dragón e Repion. López destacou o impacto económico do festival, cun retorno estimado dun millón de euros, mentres que Rouco subliñou a súa importancia turística e a achega municipal de 120.000 €.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
