“A 40 días da reactivación das cubas de Alcoa, a factoría de aluminio non só ten pechadas as cubas de electrolise, senón que tamén cesou a produción da fundición”, dixo José Manuel Balseiro
Compostela, 22 de novembro de 2023. O Pleno do Parlamento de Galicia aprobou hoxe a proposición non de lei do Grupo Popular, que non contou co voto favorable do PSdeG, a través da que se reitera ao Goberno de España que aprobe, con carácter inmediato, un marco de subministración eléctrica competitiva, estable e predicible para empresas como a de Alcoa, que teñen un carácter electrointensivo; modifique o Estatuto dos consumidores electrointensivos para que estas industrias españolas compitan en igualdade de condicións coas súas homólogas europeas; e incremente a dotación orzamentaria máxima permitida pola normativa europea para a compensación dos costes indirectos por CO2 da industria electrointensiva.
Así mesmo, na iniciativa do Grupo Popular pídese que o Goberno central active canto antes mecanismos de interrumpibilidade efectivos para reducir o prezo eléctrico da industria electrointensiva; impulse mecanismos que activen e posibiliten a contratación de PPAs para as industrias electrointensivas, tal e como fixo a Xunta e que favoreceu a firma de dous contratos PPAs por parte de Alcoa con promotores de proxectos eólicos; e se manteña a bonificación de peaxes do 80 por cento.
FERRAMENTAS DOS GOBERNO DO PP
O deputado popular José Manuel Balseiro explicou que, “a 40 días da reactivación das cubas de Alcoa, pactada entre os responsables da empresa e os traballadores, a factoría de aluminio non só ten pechadas as cubas de electrolise, senón que tamén cesou a produción da fundición, a única sección da fábrica de aluminio que continuaba operativa no complexo fundindo aluminio reciclado; e a outra fábrica, a refinería de alúmina, está producindo tan só ao 50 por cento da súa capacidade, lastrada polo elevado prezo do gas”.
“En todo este tempo de espera, o Goberno de Pedro Sánchez foi incapaz de garantir un prezo eléctrico competitivo e de fixar un marco enerxético estable para a industria electrointensiva”, sinalou o deputado popular, quen anotou que “todo isto a pesar de que a señora Pontón e os socialistas prometían en 2020 que o seu voto a favor da investidura de Pedro Sánchez estaba condicionado a solucionar este problema con Alcoa”. “Prometían un estatuto para a industria electrointensiva que solucionaría este problema e mentiron aos galegos, aos traballadores de Alcoa e a todas as empresas grandes consumidoras de enerxía”, dixo. De feito, apuntou que “naquel momento o complexo de aluminio-alumina estaba producindo ao 100 por cento, e hoxe está tan só a un 25 por cento do que o facía”
Fronte a esta situación, Balseiro salientou que “os sucesivos gobernos do PP deseñaron sempre ferramentas que permitiron que Alcoa funcionase”. Así, indicou que “non tiñamos un estatuto electrointensivo, pero si outras ferramentas de apoio a esta industria, como as poxas de interrumpibilidade ou unha tarifa especial para este tipo de industrias, adaptando os apoios en función da evolución do mercado e as esixencias de Europa”.
PROBLEMA ENERXÉTICO
José Manuel Balseiro subliñou que “o problema de Alcoa non é industrial, senón enerxético”, polo que cuestionou “canto tempo máis temos que agardar para que o PSOE asuma a responsabilidade de gobernar a favor desta industria?”.
“Porque a Xunta está poñendo todo da súa parte para apoiar a reactivación da principal fábrica de aluminio de España, apoiando con axudas as obras de modernización do complexo e de mellora da eficiencia enerxética, realizando modificacións lexislativas que faciliten a sinatura de contratos de subministro eléctrico con industrias electrointensivas; ou autorizando os parques eólicos que son da súa competencia para facelos posibles”, manifestou.
Balseiro rematou a súa intervención incidindo en que “necesitamos un estatuto electrointensivo verdadeiramente eficaz, esgotar ao máximo as compensacións por CO2, activar na súa totalidade os mecanismos de interrompibilidade e que os parques eólicos sexan unha realidade non sobre o papel, senón sobre o terreo”. “En definitiva, merecemos un marco enerxético competitivo, estable e predicible para empresas como Alcoa e todas as que teñen un carácter electrointensivo, de xeito que poidan seguir xerando riqueza e emprego en Galicia”, sinalou.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Ao acto, que tivo lugar diante da sede da institución provincial, asistiron deputados e deputadas, membros da corporación provincial e empregados públicos, que gardaron un minuto de silencio como mostra de respecto e solidariedade coas persoas afectadas pola catástrofe. A Deputación quixo así unirse ao chamamento realizado pola FEMP en toda a España, expresando o seu apoio ao pobo venezolano nestes momentos de especial dificultade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
