Ribadeo, 30 de novembro de 2023. A Asociación de Comerciantes, Industriais, Servizos e Autónomos de Ribadeo ven de presentar a súa campaña de Nadal, que inclúe panxoliñas, obradoiros para os máis cativos da casa, un photocall moi especial na rúa Rodríguez Murias, e a XIII Festa do Comercio.
A presidenta de Acisa, Carmen Cruzado, anunciou que “vai comezar decembro e Acisa pon en marcha os seus motores á máxima potencia para, xunto co Concello de Ribadeo, facer da nosa vila o destino navideño de referencia. Á programación xa anunciada fai uns días, que inclúe a pista de xeo, a celebración da XIII Festa do Comercio e outras moitas actividades anunciadas por parte do Concello, desde Acisa pretendemos completalas con algunhas mais”.
Cruzado Iglesias subliñou que “o que queremos dende a nosa asociación é contribuír a crear e manter o espírito destas datas en Ribadeo. Para animar as compras e o ambiente do Nadal nas nosas rúas soarán de novo as panxoliñas estes días. En total colocáronse mais de 30 altofalantes en diferentes localizacións, a través dos que soará a música de Nadal, durante esta ponte dende o 1 ao 10 de decembro e dende o 17 de decembro o 6 de xaneiro, en horario de 12 a 14 horas polas mañás e de 18:00 a 22:00 horas polas tardes-noites, co fin de non molestar nas horas de descanso e para crear ambiente nas horas principais do día para a hostalería e o comercio locais”.
E engadiu: “apostaremos tamén polas actividades para os máis pequenos. Contaremos con animación para eles grazas un taller de adornos de Nadal o 23 de decembro nas instalacións de Kids&Us, un dos nosos asociados”.
O xerente de Acisa, Jesús Pérez, explicou que “ademais como novidade contaremos cun Photocall na Rúa Rodriguez Murias, un espazo no que buscamos que veciños e visitantes se animen a fotografarse este Nadal para gardar un recordo destas datas. Este espazo esta formado por unha lona de 5,50 metros de ancho e 3,50 metros de alto, na que se ve a Torre dos Moreno e o Concello, nunca preciosa estampa de Nadal. Estará decorada con elementos luminosos, e presidida por unhas letras corpóreas de 5,50 metros de largo e 0,50 metros de alto nas que se poderá ler o nome de Acisa Ribadeo”.
Pérez Prada lembra: “todo o que implica esta campaña de Nadal para Acisa Ribadeo na que facemos un esforzo sen precedentes. Ao xa anunciado hoxe, hai que lembrar que Acisa organiza a XIII Festa do Comercio con 170.000 rifas e 6.000 euros en premios, colaboramos coa pista de xeo do Concello de Ribadeo, puxemos a disposición dos nosos asociados e asociadas mais de 20.000 bolsas para o comercio para este Nadal, 12.000 bolsas de comida para levar, 1.500 bolsas para botellas de viño, 16.000 envases de comida para levar e 4.000 vasos térmicos. Acisa destina á súa campaña de Nadal preto de 37.000 euros co único fin de facer de Ribadeo o referente navideño da comarca e axudar ás nosas empresas a ter a mellor tempada posible”.
A presidenta de Acisa tivo palabras de agradecemento “para o Concello de Ribadeo e para a Xunta de Galicia, xa que a súa colaboración e axuda é moi importante para poder organizar e coorganizar todas estas actividades de Nadal, que serán un reclamo ao longo do vindeiro mes de decembro. E tamén a BeOne, que estará con nós en citas tan importantes como a Festa do Comercio que terá lugar o 13 de xaneiro, e tamén na Gala de celebración do 35 aniversario de Acisa na que xa empezamos a traballar e que se desenvolverá en abril de 2024”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
