O delegado coñeceu os proxectos que o Concello de Pol presentou ao Goberno para impulsar a área de deportes e que suman 1 millón de euros de investimento
Pol, 25 de novembro de 2023. O delegado do Goberno en Galicia, Pedro Blanco, puxo en valor en Pol o traballo desenvolvido polos concellos para levar a cabo proxectos que impulsen unha dinamización social dende o local. Pedro Blanco desprazouse esta semana a Pol onde se interesou polas iniciativas que impulsa do Goberno presidido por Lino Rodríguez e que optan a distintas convocatorias de axudas ministeriais. Estas iniciativas teñen como marco de acción a área deportiva, “para beneficio de gran parte da poboación”, sinalou.
O delegado lembrou que as propostas de Pol optan a axudas nas que os municipios do reto demográfico, entre os que se atopa este concello, son prioritarios. E lembrou que esta categoría de concellos foi establecida polo Goberno de Pedro Sánchez para designar e apoiar aos municipios con menos de 5.000 habitantes que requiren dun plan para atallar o despoboamento e o abandono do rural.
O delegado, acompañado da subdelegada do Goberno en Lugo, Isabel Rodríguez e o alcalde do municipio, Lino Rodríguez, afirmou que “o labor que realizan as administracións destes concellos é fundamental para que poidan avanzar e construír municipios máis vivos e dinámicos, poñendo freo á despoboación do rural e apostando pola sustentabilidade e ampliación dos servizos, facendo máis atractiva a vida nel e promovendo avances que poñan no centro ás persoas que o habitan”.
Un dos proxectos que presentou o alcalde ao delegado consiste na adecuación e instalación de residencias para deportistas que veñan ao municipio e darlles un lugar no que pernoitar, o que permitirá dinamizar moito máis a área de deportes da comarca de Meira e concretamente de Pol. Este proxecto ten unha valoración orzamentaria de case 600.000 euros e presentouse ao Consello Superior de Deportes, adscrito ao Ministerio de Educación, Formación Profesional e Deportes,
Ademais desta solicitude, o alcalde detallou ao delegado o proxecto presentado ao Ministerio para a Transición Ecolóxica e o Reto Demográfico por valor de 508.789 euros, dos cales o concello se fará cargo de 50.000 euros para brindar un mellor servicio nesta área. Esta axuda permitirá a contratación de persoal e monitores para a realización de actividades deportivas ou campamentos.
Con estas dúas solicitudes, o delegado constatou o compromiso do Concello para impulsar e especializar as áreas de actividades, declarando que “Pol demostra o gran avance que está a facer coa súa área deportiva, expandíndoa e atraendo a xente do exterior do lugar”.
O delegado avanzou a satisfacción ante proxectos que van na mesma liña que as políticas do Goberno no que respecta ao Reto Demográfico, o que favorece a comunicación entre administracións para conseguir, entre todas, un territorio galego integrado e adaptado ás novas formas de traballo e oportunidades que se comprobaron efectivas diante o despoboamento que sofren estes territorios.
Investimentos do Goberno en Pol
O delegado e o alcalde repasaron na reunión os apoios do Goberno ao Concello de Pol nestes anos. Así, Pol beneficiouse de dúas axudas por valor de 922.000 euros coas que a Administración local financiou a renovación do alumeado público e tamén a rehabilitación da antiga casa reitoral para convertela nun centro social.
Ademais, o Concello de Pol benefíciase do programa UNICO-Banda Ancha, que executa o Goberno para completar a dixitalización do territorio galego. En Pol, este programa posibilitará a conexión a internet de altas prestacións a 1.511 vivendas e empresas.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
