Ribadeo, 19 de novembro de 2023. O auditorio municipal de Ribadeo acolleu unha mesa redonda, no marco das xornadas de defensa persoal feminina organizadas pola Concellería de Igualdade e a Asociación Española de Gardas Civís arredor do 25N.
Sobre Defensa con dereitos: navegando o labirinto xurídico para a autoprotección falaron Montse González, avogada do CIM de Ribadeo; Julio Martínez, maxistrado e coordinador en Asturias da Asociación Xuízas e Xuíces para a Democracia; José Luis Raposo, subteniente diplomado en Policía Xudicial e xefe de EDOA en Lugo; Gerardo Sevilla, diplomado en Policía Xudicial e comandante de posto da Garda Civil en Ribadeo; e Gema López, membro do equipo Viogen da Garda Civil en Burela e Ribadeo.
Na mesa redonda déronse datos como que o CIM de Ribadeo presta atención ao ano a máis dun cento de mulleres; que na actualidade hai 32 casos de violencia de xénero en Ribadeo en situación de seguimento, a maioría de risco baixo e algún de risco medio, aínda que tamén houbo algún de risco alto. Tamén se indicou que de cada 10 ordes de protección solicitadas aos xulgados, de media en España 7 son concedidas e 3 rexeitadas.
Os poñentes aludiron ao illamento social que sofren as vítimas de violencia de xénero, falaron sobre a violencia física, pero tamén sobre a psicolóxica e a económica. E fixeron fincapé en que tanto no CIM como no equipo Viogen, de Ribadeo, as mulleres que o precisen poderán atopar axuda. E avogaron por que as administracións destinen máis medios á formación en igualdade, xa desde a idade escolar.
Tamén este sábado e o pasado no pavillón municipal tivo lugar un taller de defensa persoas que foi impartido por Miguel Ángel Villanueva, monitor cinto negro de judo, jiu-jitsu e kung fu wu-shu. O pasado 11 de novembro tamén se desenvolveu unha xornada psicolóxica.
A concelleira de Igualdade, Begoña Sanjurjo, tivo palabras de agradecemento para a AEGC “pola organización destas xornadas de defensa persoal feminina, ás participantes no taller de defensa persoal e ao monitor e a tod@s @s ponentes que participaron nas dúas charlas que desenvolvemos, unha na que abordamos aspectos psicolóxicos e outra na que analizamos cuestións legais”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
