A concelleira de Cultura, Lara Fernández Fernández-Noriega, reafirmou o compromiso “coa cultura, especialmente a cultura en galego, para celebrar estas datas tan sinaladas cunha oferta diversa”
Viveiro, 21 de decembro de 2023. O Concello de Viveiro presenta a súa programación para estas festas de Nadal cunha oferta de actividades variada, ampla e con opcións para todas as idades. Á longa lista de propostas súmase tamén o Belén ‘Viveiro ante o Berce’, considerado un dos máis importantes de Galicia, que se pode visitar dende o pasado día 5 de decembro.
“Con esta programación chea de actividades para todas as idades agardamos que Viveiro se encha unha vez máis de visitantes de toda a comarca e de toda Galicia, co impulso que isto supón para o noso comercio e a nosa hostalaría” afirma a alcaldesa María Loureiro.
A concelleira de Cultura, Lara Fernández Fernández-Noriega, reafirmou o compromiso do Goberno local “coa cultura, especialmente a cultura en galego, para celebrar estas datas tan sinaladas cunha oferta diversa e para todos os gustos”. “Desexamos a toda a veciñanza unhas moi felices festas, que veñan cargadas de boas novas para afrontar este vindeiro 2024”, engadiu.
A primeira cita da programación está sinalada xa para mañá venres, día 22, ás 21:00 na Igrexa das Concepcionistas. Alí terá lugar o Concerto de Panxoliñas 2023 coas actuacións da Coral Polifónica Alborada de Viveiro e da Agrupación Coral Endesa das Pontes.
O día 23, ás 18:00 na praza Maior, terá lugar un concerto a cargo de Golpe de Efecto e de Badnkinders, e ás 20:30 no teatro Pastor Díaz será a quenda da Banda Municipal de Música O Landro, con entrada de balde previa retirada na billeteira a partir das 19:30.
Serán varias tamén as propostas do Concello do Viveiro para o día 24 cos Roteiros de Nadal no Vivertren ao longo de todo o día, a ‘Troula de Boa Noite’ que animará a Praza Maior a partir das 18:00, e o reparto de agasallos de Papa Noel dende as 19:00 dende Magazos ata Lodeiro.
Continuarán as citas o día 26 ás 19:00, coas Panxoliñas na Rúa da coral Alborada. O mércores 28 vivirase unha gran xornada coa Gala da Maxia a cargo de catro grandes magos galegos, no Teatro Pastor Díaz dende as 20:30 horas. As entradas para este último evento poden reservarse no 982560162 ou en rbg.cultura@viveiro.es
Tamén acollerá o Pastor Díaz a actuación de Escolma de Meus, as 20:30 do 29 de decembro con entrada de balde ata completar aforo. A Troula de Fin de Ano, por outra banda, será entre 13:30 e 15:30 na Praza Maior, a cargo do grupo Los Alcántara.
Xa comezado xaneiro de 2024, o día 5 haberá novos roteiros de Vivertren e, ás 17:30 terá lugar a gran Cabalgata dos Reis Magos. As súas Maxestades, que estarán acompañados polo pasarrúas da Banda da Misericordia, dirixiranse á veciñanza dende o balcón da Biblioteca Municipal antes da recepción real na Sala Multiusos do Concello.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
